姜濤、盧瀚霆（Anson Lo，AL）及呂爵安（Edan）日前（15日）出席品牌活動時，逾10名疑似神徒（盧瀚霆粉絲暱稱）進入姜糖（姜濤粉絲暱稱）的專屬區，雙方發生爭執，驚動警方到場處理。姜濤昨晚（17日）出席ViuTV劇集《無用的謊言》結局派對時，表示今次與Anson Lo沒特別討論過事件。他說︰「老實講，成團咁耐，各種類似嘅事情都發生過好多次。我哋一直以嚟嘅態度，都係希望大家開開心心出席我哋嘅任何活動，唔希望受到任何唔好嘅事情影響。我相信每個人都係抱住正面嘅心態去支持我哋，以後大家互相幫助多啲。」
廣告（請繼續閱讀本文）
兩批粉絲再起爭執，姜濤坦言沒有特別不開心︰「最主要係唔好有人受傷，咁就ok喇﹗其他事，我哋唔可以理到咁多，只可以作出呼籲。」對於有網民建議他與Anson Lo減少同場，避免再有同類事情發生，姜濤說︰「我哋一直都有面對呢啲事，但我哋相信各自嘅粉絲以後都會好懂事咁去做，因為大家都會成長，所以唔會因為呢種事而影響到我哋會唔會同場。」
（即時娛樂）