瑜伽褲｜港男求教「點解港女咁鍾意著瑜伽褲出街」網民：當面褲著現形真係好咩？

瑜伽褲｜近年唔少人都迷上運動、行山，加上今年直值奧運，好多人都重投運動懷抱，做運動當然要配翻套好嘅運動衫。不過繼冬天Legging後，近月踏入夏末就興起瑜伽褲！早前有港男喺討論區開post「點解咁多女仔鍾意著瑜伽褲？」，並直言喺街上見到10個女仔有6個都著瑜伽褲。到底情況真係咁勁？一眾網民同瑜伽褲用家又覺得呢？即刻睇睇！

撰文：海月｜圖片來源：LIHKG、香港討論區｜編輯：odin

瑜伽褲｜港男求教「點解港女咁鍾意著瑜伽褲出街」

近年唔少人都迷上運動、行山，加上今年直值奧運，好多人都重投運動懷抱，亦有唔少人迷上流行舒適自在嘅打扮。繼冬天Legging後，近月踏入夏末就興起瑜伽褲！

不過早前有港男喺討論區開post「點解咁多女仔鍾意著瑜伽褲？」，並直言喺街上見到10個女仔有6個都著瑜伽褲。而港男覺得瑜伽褲本身係做瑜伽用，正常唔會著出街。何況出街衫本身有好多選擇，所以更唔明點解會有咁多女生著瑜伽褲出門：

「點解要著個露哂個妹妹形狀出黎嘅瑜伽褲出街啊？」

面對「瑜伽褲」呢個話題，唔少網民都紛紛發表個人意見，有部份人覺得有礙觀瞻，表示「運動褲應該喺運動嘅時候著，並唔係飲茶行商場嘅時候着」。更有網民表示曾經見過有女生著肉色瑜珈褲：

「好似阿婆底褲，立下眼以為佢無著」

亦有部份網民表示支持，除咗方便運動，就算平時著都可以帶出「健康嘅性感」。

不過唔少網友直指「瑜珈褲其實好蝦人著」，並唔係個個女仔都會著得靚：

「Patpat靚冇所謂，有d港女patpat大到，咁都夠膽著」

「穿著呢類褲先決條件係要有一雙美腿」

「首先你真係有運動，港女10個有9個以為自己patpat好正」

雖然有網民表示如果男女調轉，如中年阿叔著「現代單車褲」出街，就一定會被人話。不過亦有網民指出其實緊身褲喺外國相當流行，根本就唔係咩值得奇怪事，更認為衣著打扮係個人選擇，與其他人無關。

而最為人熱話嘅，就係瑜伽褲會令女生「妹妹」現形，有網民提出只要加塊護墊就解決到問題，不過亦有網民即時反擊「個個女仔都有加㗎喇，係你唔識嘢」。