張敬軒公開「遮遮早餐Top 3」認同工人冇默契：啲早餐我笑到Gap Gap聲

「軒公」張敬軒自從去年在IG公開家中工人姐姐（遮遮）所炮製的暗黑系「早餐」後，成功幫自己添上「早餐界KOL」的稱號，更為網民帶來不少笑料。近日軒公就作客澳門YouTuber加蔥的節目《今日R.I.P》，除了公開「遮遮早餐Top 3」之外，又自爆曾經向姐姐「示威」。

節目上主持人叫軒公嚴選心目中「遮遮早餐Top 3」，軒公表示一開始是白粥，大讚遮遮煮白粥好綿好靚，但後來發現自己原來連續食了一個多月白粥，軒公於是就主動提出想食麵包，點知遮遮由翌日開始就每日都整多士，直至軒公「食晒樽果jam為止」，軒公更無奈笑言：「這就是我的生活，我就要認命。」最後揀了雜錦麵包籃、蒸栗米及「幅射魚」做Top 3。

軒公直認同遮遮好明顯冇默契，因為每次當他趕時間出門，遮遮都會整最花時間食的早餐，軒公亦「讚」遮遮整嘢食有構圖，舉例「幅射魚」就是將魚和青菜放埋一碟，好似條魚在水草度游，所以軒公就名它為「着草失敗的魚」。另外軒公自爆之前見到倪晨曦的工人姐姐弄了一個很美的水果盤，於是就拿去向遮遮「示威」，叫遮遮都有樣學樣，最後遮遮就整了一隻「鵰」出來。

軒公形容遮遮的早餐是其快樂泉源，有次遮遮的女兒似是發現了他在IG公開遮遮的暗黑系「早餐」後，遮遮就問軒公是否不滿意自己的食物，軒公就話：「唔係，好滿意，你唔好改。啲早餐我又笑到Gap Gap聲，畀佢睇下大家又笑得咁開心。有時令到觀眾開心，其實就係咁簡單。」