廣告（請繼續閱讀本文）
藝人龔嘉欣今日（29日）出活動，單身嘅佢漏口風話想今年生BB，仲疑似已有男友添，即時引起網民熱議！佢嘅好友陳凱琳今日喺社交網晒咗條片，係日前龔嘉欣同譚凱琪等友人去佢屋企拜年嘅片，睇到當日個個都成雙成對，片中同龔嘉欣好似孖公仔嘅男子引起網民關注。
廣告（請繼續閱讀本文）
片中該身穿紅衣嘅男子同龔嘉欣坐隔離，過鏡時龔嘉欣亦喺該男子身邊，連最後影大合照，一眾已婚嘅友人都係同家人企埋一齊影相，只有呢位男子企喺龔嘉欣身後，睇嚟關係真係非比尋常，網民紛紛估佢就係龔嘉欣男友呀！而龔嘉欣手上好似似抱住陳凱琳細仔，同該男子企埋一齊就似足新婚夫婦，加上佢哋流露出甜蜜笑容，十足熱戀嘅情侶一樣呀！
東網網站 : https://on.cc/東網Facebook專頁 : https://www.facebook.com/onccnews/
Gelatoni杰拉多尼 關仁隱事
2023年01月30日10:39
顯示全部