K2功課要擴張句子被質疑屬小一程度 家長轟： 教學真係有病

學童功課不時被指愈來愈難，甚至屬「超齡」程度。有家長亦分享其就讀K2（幼稚園低班）兒子的中文功課，不但要求學生擴充句子，當中更涉及「看風景」、「可愛的」等詞語，質疑「點解K2中文功課咁似小一？」發帖家長直言，講解多次兒子都不懂做，決定「唔交住」並向老師反映。

有媽媽在facebook群組「不願小朋友成為功課奴隸」分享兒子的中文功課，問道：「係咪我有問題，點解K2中文功課咁似小一？」照片所見，該份功課是低班句式練習的工作紙，要求學生將句子擴張，將括號內的詞語加入句子的適當位置，例句如：「香港濕地公園有貝貝」，括號內詞語則為「可愛的」，改寫後變成「香港濕地公園有可愛的貝貝」。

至於其他句子中，不乏對K2學生較深，而且筆劃較多的詞語，例如：「看風景」、「可愛的」、「山頂」等。相中可見，工作紙上有被擦膠擦過痕迹，相信學生有嘗試完成句子，但最終未有完成。發帖家長謂：「講極阿仔都唔明要點做，所以決定同老師傾下，唔交住。」

大多數網民直斥該份功課太深奧，批評是揠苗助長，「根本就係小一功課」、「 K2？傻的嗎？」、「我個女小一下學期學嘅嘢」、「小一先做嘅最兩年就要迫成咁！遲啲PN就學寫字啦！教學真係有病」。另有網民認為，「K2要寫呢啲字都唔啱啦，仲要重組一句句子」，亦有家長質疑功課違反幼稚園教育指引，建議樓主向教育局舉報，「教育局叫K1畫下線條，K2先好寫字，但d學校呢……間間都偷步，但求快人一步。」

不過，亦有網民直言，校方有時時滿足部分家長，「係比正常深咗啲 ， 不過有好多家長鍾意， 仲會寫信比學校要求多功課及深啲」，建議樓主如認為不適合子女，盡快轉校。