梁朝偉憑新戲《尚氣》進軍Marvel，再掀熱「朝」， 更成功把「一笑令世界定格」的絕技由香港帶到國際，外國傳媒及影迷也被他的魅力和電眼深深迷倒。其實59歲梁朝偉亦曾在王家衛的電影中也有過不少「煞食」moments，看過這篇文章，包你想立即重溫《重慶森林》、《春光乍洩》、《花樣年華》等多部影帝經典作！
影帝梁朝偉同王家衛嘅「澤東電影」合作多年，上年王家衛曾發表聲明，宣布同偉仔約滿結束合 作關係，仲話：「多年前有一位朋友把梁朝偉託付給我們，多年之後我們把梁先生完美地交還給她。」暗示而家梁朝偉嘅經紀合約已經回歸劉嘉玲所有。其實除左嘉玲，仲有好多女Fans都想將佢私有化架！一齊回味吓呢對電眼喺王家衛鏡頭下嘅5大殺死人Moments！
就算你不是Marvel超級英雄電影迷，看到有香港男神梁朝偉「加持」這部《尚氣與十環幫傳奇》（Shang‑Chi and the Legend of the Ten Rings）也會想入場欣賞吧！
Marvel Studios全新超級英雄電影《尚氣與十環幫傳奇》於9月2日盛大上映，贏了票房也贏了口碑，不僅在影評網站爛蕃茄(Rotten Tomatoes)得到92%新鮮度好評，外國媒體亦對影帝梁朝偉的演出給予高度評價。梁朝偉飾演的文武有別過去Marvel的大反派，戲中有描述他複雜的心路歷程，梁朝偉交出影帝級演技演活角色，更獲大讚是超級英雄電影史上最佳演出。
香港影帝梁朝偉隆重加盟MCU，貴為香港男神級影帝並首次參演荷里活大製作，Marvel總裁奇雲費治(Kevin Feige)便大讚他：「由梁朝偉扮演尚氣的父親以及十環幫的首領，簡直是美夢成真，因為他是我們這個時代最好的演員之一！」
除梁朝偉外，香港觀眾熟悉的演員楊紫瓊、陳法拉也在片中演出重要角色。陳法拉飾演尚氣的媽媽，而楊紫瓊則是飾演尚氣姨姨。
《尚氣與十環幫傳奇》除了是梁朝偉的首部接拍荷里活電影外，也是他少有扮演的父親角色及奸角。他透露參考了父親在自己小時候離開家庭的經歷去演繹文武，父子之間的疏離以及不懂作為一個好父親。而梁朝偉和飾演「尚氣」母親的陳法拉的一幕幕對手感情戲更令香港影迷看得著迷。
59歲男神憑電影《尚氣》成功在國際影壇掀熱「朝」，IG followers不斷上升。男神除了在IG落力宣傳新戲之外，也會分享私下熱愛水上運動一面，不少fans留言：「很想和男神衝浪！」
梁朝偉這個名字，其實在國際影壇並不陌生，多年來憑多部王家衛電影在外國電影節揚威，一起來回味一下梁朝偉電眼在王家衛鏡頭的嘅5大「殺死人」Moments吧！
梁朝偉《尚氣》進軍Marvel｜回顧男神電眼Moments 1.《重慶森林》著白色內褲熨衫
冇錯！佢唔只唔係靠對眼！喺《重慶森林》入面，偉仔因為同周嘉玲飾演嘅空姐女友分左手，開始 將對佢嘅思念放喺D死物到，好多場景佢喺屋企都淨係著住條白色底底。
望住佢件制服：「冇見幾日啫，都唔駛咁巢架，等我比D溫暖你丫。」鏡頭一cut原來係幫佢熨衫 ！小編都想佢比D溫暖我呀！
梁朝偉《尚氣》進軍Marvel｜回顧男神電眼Moments 2. 《重慶森林》為王菲按腳
喺《重慶森林》入面，當然唔少得天后王菲啦！王菲飾演嘅士多打雜好鐘意趁偉仔當更鼠入佢屋企 幫佢做家務，點知有次比偉仔斷正，王菲仲嚇到抽筋添！
偉仔反而二話不說幫佢按腳，望住偉仔著住制服咁貼心咁幫你按腳，難怪天后都要攬住個cushion 咁小鹿亂撞啦！
梁朝偉《尚氣》進軍Marvel｜回顧男神電眼Moments 3. 《春光乍洩》對錄音機啜泣
偉仔除左殺死唔少女Fans，連男Fans都唔放過！喺《春光乍洩》入面，飾演男同志嘅偉仔同哥哥 張國榮飾演嘅何寶榮分左手，初相識嘅張震見佢咁sad，叫佢將所有唔開心都放晒喺錄音機入面。 但偉仔喊到咩都講唔到！睇住對電眼有D淚水喺度啷吓啷吓，我諗男同女Fans都好想喊！
「我答應阿輝把他的不開心留在這裏，我不知道那天晚上他講過什麼，可能是錄音機壞了，什麼聲 音都沒有，只有兩聲很奇怪的聲音，好象一個人在哭。」張震應承左會帶段錄音到世界盡頭，呢段 睇到小編心都噏埋……
梁朝偉《尚氣》進軍Marvel｜回顧男神電眼Moments 4.《花樣年華》吳哥窟對樹窿「咬耳仔」
除左偉仔殺死人之外，其實王家衛都鐘意謀殺架！講緊係菲林，因為佢出名鐘意剪走唔少鏡頭，就 好似《花樣年華》，其實被剪走左一段鮮為人知嘅結局，就係周慕雲同蘇麗珍喺柬埔寨吳哥窟重逢 ，最後佢帶住憂鬱嘅眼神，唏噓嘅鬚根對住機窿講左個秘密。冇人知講左咩架，但睇到人好想做個 樹窿咁囉！
小編覺得呢幾鏡wideshot其實仲攞命過偉仔個close up架，果浸寂莫味隔住個mon都閒到！而因為 呢一幕實在太經典，所以吸引到唔少遊客去果度朝聖添！
梁朝偉《尚氣》進軍Marvel｜回顧男神電眼Moments 5.《2046》激咀鞏俐
講左咁多柔情Moment，最後緊係要講吓偉仔激情嘅一面啦！喺李安嘅《色，戒》之前，要數床上 戲，王家衛嘅《2046》可以話係偉仔最多床上戲嘅一部，除左同章子怡床上激戰，小編反而最鐘意 佢同鞏俐激吻果一幕，喺《2046》鞏俐無獨有偶都係叫蘇麗珍，最後偉仔對張曼玉抑壓多年嘅思念 發洩晒落鞏俐到，咀左足足成分鐘架！
5. 激咀鞏俐（2046）
最後兩個錫到個頭亂晒，仲咀都歪埋添！「如果有日你可以放低到過去，記得番黎搵我。」 如果小編係佢，咩過去都想即刻放低晒啦！
**Follow us on:
- Facebook: CosmoHK
- Instagram: @cosmopolitan_hk
- YouTube: CosmopolitanHK**