廣告（請繼續閱讀本文）
陳豪、陳茵媺夫妻檔為到一個日本美容品牌活動擔任嘉賓，陳豪大讚太太有天使般的心跟美貌，還有智慧，甜蜜指數爆標。
當問到陳茵媺，丈夫陳豪是否經常都口甜舌滑？她笑說：「係啊！佢都係講事實。（你都會咁樣氹老公？）會啊，不過唔會係呢度講囉！」陳豪說：「佢係我生命入面嘅天使，我同天使結婚，再生咗三個小天使，所以我一屋都係天使。」他們都認為「愛」非常重要，所以會時常表達出來，免得對方誤會已遺忘「愛」。因此，他們都經常教育3兄弟姊妹甚麼是「愛」。陳豪笑說：「我哋由朝到晚都I Love You㗎！（出門口一家要攬一攬？）點止攬啊！係一定要錫到嘴先收手。」問到是否以行動實踐愛，因此誕下3個小朋友？陳豪笑說：「我唔識答，哈哈！其實諗又係愛，講又係愛，做都係愛。我地透明度好高，亦唔會有七年之癢。」
此外，談到夫妻擋搵真銀，陳豪提到平日一同湊小朋友，現在一同工作都是一個很好的經驗。提到女兒Camilla貪靚，陳茵媺說：「我都貪靚又鍾意化妝，阿女出街會揀自己鍾意嘅髮型同衫。」陳豪說：「阿女都話大個想做媽咪，阿仔都又話大個想做我，咁呢個都好正常。」