廣告（請繼續閱讀本文）
藝人陳詩欣（Eunice）由《姊妹淘》「畢業」，升呢主持婦女節目《流行都市》。記者取笑她剛宣布婚訊，未行禮已加入「太太級節目」，她說：「監製話畀機會我學習廚藝，之前試過煲湯搞亂咗次序，舊豬肉最後先放落去，搞到未婚夫肚痾，跟住我就冇再接觸個煲嘞。（跟未來奶奶學廚啦。）佢好叻㗎，結咗婚之後我哋都住得好近，相信佢為咗個仔嘅健康，好歡迎我哋返去食飯。」
廣告（請繼續閱讀本文）
積極減磅
談到10月30日的婚禮，她表示會於酒店設宴，詳情容後公布：「我依家積極減肥，因為另一半身形瘦削，食極都唔肥，我好大壓力。（想減邊部份？）手臂，我今日特登着成咁，提醒自己努力啲。」
她又姊妹團亦已確定，包括余香凝、鄧穎堯以陳約臨等。談到陳約臨早前的「奧運風波」，她說：「佢心情OK，都係興奮啫。（唔驚佢喺你婚禮搶鏡？）想佢再興奮啲。（婚後不設防？）未有咁快，啲姊妹都有小朋友，好想我睇齊，但我唔想做多陣嘢先，依家我冇BB㗎！」
廣告（請繼續閱讀本文）
東網網站 : https://on.cc/東網Facebook專頁 : https://www.facebook.com/onccnews/