香港地打工有返工無已成常態，如果有幸離開辦公室，但仍被工作信息纏擾，就更令打工仔困擾。不過，並不是每個人也認為公私應該絕對分明，近日有網民在討論區發文，大嘆90後同事用兩部手機，分開工作與私事，放工後就不看信息，因此工作常有錯漏，甚至影響其他同事的私人時間。
撰文：經一編輯部｜ 圖片：香港討論區、Unsplash｜原文刊於經濟一週
放工理所當然覺得應該休息？
日前，有網民在香港討論區以「點睇用兩部手機的年輕同事」為題，指自己做兒童照顧工作，需要輪班，同事之間的溝通非常重要，例如與小朋友家人交代過什麼，都會在工作群組說。
但有3個90後同事，會分開工作及私人兩部手機，他們收工後不會看工作信息，到再返工時，工作會有錯漏。
樓主更指，有時工作有新安排，又要等他們上班在線才可以傾，但他們返工好多時是其他人放假，變相要其他同事犧牲放工時間就佢哋。最過份是他們上班不完成工作，到放工又理所當然覺得應該休息，搞到同事要執手尾。
網民：市場會淘汰呢啲人
樓主不禁問，年輕人強調私人時間算不算自私？帖文一出，引起網民兩極回應，有人力撐樓主，指年輕人沒有責任心，應該要換過一批員工：
- 「有部份職業有時真係要放工後處理一d跟進工作…接受唔到就轉行…呢d同事要唔要都罷。」
- 「市場會淘汰呢啲人！再請人啦！而家咁多人揾工！」
- 「返工前後交接好工作係最起碼，咁都做唔到就要換人。」
- 「工作時間內都做唔好當天工作，就無盡到員工本份啦。」
- 「年輕同事責任心是差些了，又講要公私分明，難以溝通。」
「換馬啦，大把人肯做，佢呢類員工，做洗碗，落單，收錢就得，收工就收工，冇手尾跟。」
唔明點解鍾意請後生
有人亦指不明白為何老闆要請年輕員工，認為要升職時老闆會選擇收工肯抽時間處理公事的有經驗員工：
- 「其實我唔明僱主點解鍾意請後生、好多都冇責任心、收工後就乜都唔理唔睇、其實都唔係咁阻你時間呀、有時請中年人重好。」
- 「一個有經驗收工又肯抽時間處理吓公司d野，同一個少經驗但收工後就完全唔理公司d野嘅同事，你係上司會升邊個？」
公司俾左錢24小時on call？
然而，亦有大量網民認為公私分明是道理，更反問樓主以前沒有WhatsApp，收工後老闆如何找員工：
- 「咁老實講，私人時間真係唔應該做工作上嘅野嘅，做係人情唔做係道理。」
- 「返工咁辛苦為乜，想有個生活/好啲嘅生活啫，但做到連享受生活時間都冇埋，唔通真係捱到67十歲老ee，行都唔行得話去旅行，食多啲又話高血壓先去享受美食咩」
- 「根本公司事唔應該依賴社交媒體，有任何工作上交帶手尾應該用公司嘅系統。」
- 「你打緊工定做緊奴隸，放工咪休息下囉，唔到好鬼大獲都唔會理，得一部手機不過大家明底線。」
- 「你公司俾左錢24小時on call？」
- 「將心比己，當年冇wtsapp，你老闆搵唔搵到你？」
- 「我70後，都唔覺得收工後有必要處理工作問題，你可以send俾我，但唔好諗住私人時間去處理。」
「我作為80後，好睇唔起啲將工作擺係人生首位既人。」
應找出溝通問題的根源
亦有網民除了表態之外，認真討論問題根源，更反駁樓主，指若然樓主認為90後上班才工作，會影響到當時放假的同事，那為何不體諒其他同事上班時正在放假的90後同事：
「既然其他同事都唔願意犧牲放工時間就佢哋，咁又點解要求佢哋犧牲放工時間去就你?有嘢唔可以辦公時間講？非要放工時間講？」
- 「放咗工睇定啲message，第二日返工再做，就一定會做啱？第二日返工先睇然後跟住做，就一定做錯？兩者應該無咩關係，應該係指示清唔清晰嘅問題。」
- 「工作時間內唔完成工作嘅Root Cause 係乜？ 工作量定工作能力問題？同事要檢討之餘，上司都要檢討一下。放咗工仲因為公事而攪住人，更加不該。」
- 「放工就係下班，唔再睇關於工作嘅野係叫正常，並不過份。問題係如果明知對方唔睇，就要諗另一套方法去做好交接，expect對方應該睇而唔用另外一種方法做好溝通，到頭來蝕底都是自己。」
