關智斌（Kenny）喺佢YouTube channel 擺咗條片上去，係佢同張致恒（Steven）喺嚟一場「深情Men's Talk」！
一開始，見到Steven已經瞓咗喺床，點知畀Kenny用隻腳踢落塊面，即刻醒晒！
之後就開始講點解會拆夥～原來當初佢哋係「被通知」拆夥。「我哋睇報紙先知道BOYZ拆夥，Mani仲要承認咗！嗰下唔係好信，所以即刻打畀Mani！」「其實都幾愕然，因為真係冇心理準備！」
佢哋憶述初出道嘅時候，好多人都話佢哋似樣！Kenny仲做埋Steven 個表哥添～
Steven：我嗰陣時入英皇嘅時候得16歲，Mani就叫我不如讀埋落去先。
未懂事嘅Steven對學業愛理不理，唯有Mani逼Kenny幫手。
Kenny：我記得嗰時帶你去旺角（佐敦）上樓嘅進修學校。幫你（Steven）報名嘅時候，身邊嘅人見到我都好奇怪。我?仔咁樣，就畀人問我係邊位～仲話，做監護人會唔會太細個啊？然後我就話「我係佢表哥啊！」
夜晚嘅時候，總想得特別多、特別感性。
Steven諗番：「如果當初冇BOYZ，我都唔知之後條路應該點！其實都幾後悔嗰時冇盡力同你了解！」仲話：「始終嗰時同人相處嘅經驗唔係好多，因為我細個成日畀人恰！唔係好多人鍾意我咁～」
Kenny同 Steven自己都冇諗過今年可以一齊開show。舊年英皇15週年演唱會，嗰時仲未完約嘅Steven都以為嗰次會係最後一次同Kenny同台唱歌。
佢哋仲大爆佢哋拆咗夥咁多年，一年都聯絡嘅次數都冇兩次！
多得張敬軒喺佢自己嘅演唱會冇啦啦叫咗Kenny同Steven上台唱歌，仲問佢哋幾時開演唱會，先造就到佢哋出道15年第一次嘅演唱會！
Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）