薛凱琪（Fiona）日前作客TVB娛樂新聞台節目《StarTalk》，接受主播許文軒（Edmond）訪問。談到新歌《南昌街王子》，Fiona感謝填詞人黃偉文（Wyman）：「佢真係好有心，有一日佢打電話嚟，話填好晒歌詞，爭條街名，咁我哋開會傾，話香港有幾百條街，首先要啱音，即係話佢有唱晒嗰幾百條街嘅街名，有提議過『第三街』、『琴行街』，不過最後我哋決定用『南昌街』，因為夠親民，好好笑，自從我出咗首歌之後，我發現有好多人都喺嗰度讀書同埋住，而我讀書時成日去嗰度買布同絲帶。」
問到Fiona心目中的「南昌街王子」時，她說：「我仲搵緊，其實我做嘢真係可以30日就做足30日，如果有時間玩嘅話，我又好懶去一啲陌生人嘅約會，所以我係好難同好懶去認識陌生人，不過我信緣分，要嚟就嚟。」
廣告（請繼續閱讀本文）
講到返娘家再推出新歌，她說：「之前可以話係半刻意暫停音樂事業，因為覺得一心不能二用，過去想專心建立自己服裝品牌，而且離開上一間公司後，想學識營運同照顧自己，咁就可以幫到我未來嘅工作。」
（即時娛樂）