首爾可算是港人熱門旅遊目的地，不過去得多Sally聽到唔少人都嗌悶，覺得除了shopping之外就唔多嘢玩。其實首爾又豈止血拼咁簡單？等弱弱的Sally盡地主之誼，介紹大家玩新景點！上年才開幕的Alpaca World是韓國最大的草泥馬樂園，主打同草泥馬（羊駝）零距離接觸。位置雖然有少少遠，從首爾市駕車到洪川市需時約兩個鐘，但無損大家對傻頭傻腦的草泥馬愛戴，開幕以來人氣相當高，當地電視台更爭相採訪。
樂園佔據了一個山頭，約有十萬平方米。地方大，園主盡量以野生方式飼養，希望讓草泥馬活得更開心。場地提供了不少讓遊客與動物互動的空間，例如遊覽小火車、零距離接觸的區域及帶草泥馬散步的活動。Sally都是頭一次接觸草泥馬，牠們的性格如外表看來一樣，溫純又可愛，非常療癒，就連同行較怕動物的朋友都被牠們迷住了，好適合一家大細前來玩。
小火車會沿著斜坡繞一圈，草泥馬就會跟住遊客走。
用來打咭一流，但要再近距離接觸就有更好的選擇喔！
草泥馬之外，樂園亦飼養了其他動物，包括馬、兔仔、迷你豬等。
據Sally了解，早前因為天氣太熱，草泥馬都躲在室內避暑，最近天氣稍涼才可以走出來見大家。而太凍的日子遊人就會比較辛苦，始終在山上氣溫比市區更凍，所以秋天就是最適合遊覽的季節！
收費詳情
入場門票：₩15,000（約HK$100）
表演門票：₩5,000（約HK$35）
遊園火車：₩3,000（約HK$21）
散步時間：₩5,000（約HK$35）
飼料：₩1,000（約HK$7）
Sally當天是自駕遊，不過坐公共交通工具亦去到。坐itx青春線到春川站，於1號出口的士站旁乘坐3號綠色小巴，到Alpaca World站下車後再轉接駁巴士。
ALPACA WORLD（알파카월드）
韓國江原道洪川郡化村面楓川里310
강원도홍천군화촌면풍천리 310
網址：www.alpacaworld.co.kr
開放時間：09:00am - 18:00pm（星期一、二休息）
