平時去staycation，我真是好hea，但今次the mira呢個「神秘密室挑戰書之踏上智破博物館」住宿之旅，真是令我好忙，實在太多野玩，由我在國金軒歎完茶後，開始忙住玩唔同的活動，仲有全層任玩活動室，又睇埋戲，足足玩左6個鐘，都唔知自己何來咁好精力，搞到趕唔切食自助晚飯，唯有出去醫肚就算。
The Mira將17樓打造成玩樂遊戲樓層，讓住客可以盡情地玩個痛快。
好玩節目話你知
講講呢個「神秘密室挑戰書之踏上智破博物館」住宿之旅，真是鬥智鬥力，好彩在場有職員陪伴住，否則我咁人頭豬腦都幾難過到關，由於要保持神秘感，所以相片欠奉，但真是好玩，絕對玩得過，就是因為幾吸引，所以就揀了呢個staycation，玩足咁耐仲可以入住城景客房、享受精美早餐，平日只1,080起，絕對是好抵玩。我就愛飲茶，當然唔放過學野的機會，參加了「茗茶之旅」，由專業的Michael品茶師帶領我走入茶鄉，並講解世界主流茶類的特性及功效。
他更為我們泡了銀針白毫、高山烏龍茶及英式早餐茶，每一啖都有不同的口感，真是獲益良多；參加完仲有小禮物茶包可供拎回家慢慢歎。朋友就是一位甜品控，所以一早就報了「情迷法式巧古力曲奇」工作坊，甜品師傅為我們準備好材料。
並教我們製作巧古力曲奇的基本動作。就到我們動手在預備好的曲奇餅上裝飾可愛的圖案，最後更預備了剛焗好的曲奇餅讓我們品嘗，有得玩又有得食，大家都超級開心。上次玩個賽車，我仲以為自己好勁，點知今次入Vroom就完全感受到一級方程式賽車的極速快感，軚盤阻力及制動器震動，好緊張刺激，最正是裝備齊全，有齊晒專業賽車座椅及曲面屏幕，可惜是我技術太差，成日都衝出跑道，真失禮。經過20分鐘心跳加速的賽車後，真是要平伏心情，就响遊戲室玩玩先，每間房都有不同主題，真是難以盡錄，睇相就一清二楚喇！夜火彩繪讓你可自由發揮無限創意空間。小朋友至啱坃。大人更可陪同一齊玩。從小型籃球、巨型俄羅斯方塊和空氣曲棍球、保齡球到舞蹈，都有齊。仲有Slime水晶泥與彈珠機，呢個打卡房，超美。我只能揀來玩，唔夠時間玩，因為約左時間去睇電影。 家庭影院張梳化超級大張，瞓响度都得，仲有埋暖氣响座位上，舒服到無得彈，話咁快就睇完，staycation都可以咁梳乎，點搵呀！
呢間用DEVIALET配合Phantom揚聲器打造而成的家庭影院，無論音效無噪背景、清晰又純淨。有晒浴缸同企缸，基本設施有齊晒，性價比高，等我再約多幾個朋友一齊住，再癲過先。
間房城景客房，都幾大幾舒服，
洗滌用品都有齊晒。查詢及預定
https://www.themirahotel.com/zh-hant/entertainment-dream-staycay/