【睇片】被警員搜身　「霸氣哥」質問警察：有無宣誓過保護市民？憑乜對港人開槍？

大批示威者昨晚（26日）起包圍灣仔警察總部，警方今日凌晨清場，事件中有1人被捕，60人被登記身份證資料。立場新聞直播時拍攝時，凌晨有市民行經灣仔軒尼斯道附近時，被4、5名警察截停搜身。該名市民當面與警方理論，批評警察濫權猶如內地城管、公安，侵犯港人自由。他又厲聲責罵警員：「你哋喺警校裡面有無宣誓過？！有無宣誓過要服務同埋保護香港市民？！To protect and to serve Hong Kong people?」、「（警員）1338，你答我！你答唔到啦嘛？！」

有網民將該名男子稱作「霸氣市民」，讚揚他「零粗口」罵走警察。最終警察沒有回應並離開現場，惟該名男子繼續跟隨其後，對警員高叫：「著住制服，你都係人！你哋憑乜可以亂打人？對香港人開槍？」、「你哋唔係工具！唔係國家的殺人機器！」

男子又質問警員，「你覺唔覺得羞恥？」、「我哋爭取應得的權利，我哋有無咁深仇大恨？！」。他勸警方，「你要記得自己咩人！你係香港人！我同你無分別！」

值得一提，雖然該名男子厲聲質問了警方近10分鐘，他全程沒有說一句粗口，亦未有使用侮辱性的語句。

男子其後接受《立場》記者訪問時表示，他當時只是上前與警員理論，就被警員無理搜身，他不知道之後會否被警方追究。但他指，香港近年的情況已越來越差，香港人無辦法不走出來。

男子又指，問題始終源於政府、中央對香港人的肆意打壓，始作俑者並非警察，警察也只是執行命令，「但你們執行命令時，可唔可以唔打人個頭？可唔可以唔好打甘大力？」

守護言論與新聞自由。立場新聞，寸步不退。
每月贊助支持立場新聞