廣告（請繼續閱讀本文）
歌手陳逸璇（Jolie）、胡琳及尚羚等，今午（13日）現身尖沙咀Mira Place，為Mira Place Gimme LiVe音樂節10周年「五音十色」作表演嘉賓。久未有新作的胡琳談到近況時表示：「結咗婚想過吓唔同嘅生活。（努力造人？）呢啲順其自然啦，哈哈！過吓二人世界先，好在疫情爆發前去咗好多地方旅行，依家睇返轉頭一啲好理所當然嘅嘢，依家變成奢侈嘅事。」她坦言疫情下沒有甚麼可做，不如真正休息一下，陪多點家人更好。問到她會否再開騷，她笑言：「有機會一定想嘅，不過依家變得比以前佛系，哈哈！緣分到嘅咪去做囉。」
至於最近推出HiFi碟《PRESENT》的Jolie，被問到感情生活時帶點害羞表示：「個個都問我，我都想有呀，不過疫情我邊唔敢周圍去。」她解釋因今年工作多，擔心若不幸染疫會影響進度：「年頭返咗內地3個月，返嚟就趕錄音，都開心嘅。（感情方面唔心急咩？）冇啦唔諗啦。」將於本月23日生日的她，表示會於工中度過：「公司安排咗一個金唱片頒贈儀式，好開心。（揀正正日？冇約人？）唔係，正日都應該係同女仔朋友食餐飯，其實工作忙碌隻碟做得好，已經係我最好嘅生日禮物啦，都唔細啦，唔會搞大Party啦，好多謝大家關心我嘅感情。」她表示很享受現時的自由生活，希望繼續做好自己事業。
廣告（請繼續閱讀本文）
東網網站 : https://on.cc/東網Facebook專頁 : https://www.facebook.com/onccnews/