旺角Cafe | 泰式新派菜及特色甜品 - No Money So Lonely

愛玩小生今次見到一間叫做「No Money So Lonely」的泰式新派菜，型格裝修，好多打卡位，主打的菜式和甜品都好趣致，就來試試吃個晚餐啦！

餐廳裝飾

走出旺角站B3出口就到TOP 商場，餐廳位於3樓 ，餐廳以昏暗燈光設計，營造類似酒吧氣氛。最特別就係有些卡位，以大型啤酒桶做設計，營造超靚嘅外國打卡位，聽講要提早兩星期預約該卡位呀！

主食

主食：冬蔭公大蝦比薩

正正因為冬陰功，我朋友非常喜歡，所以立即order！冬陰功pizza是正常的尺寸，兩三個人的分量，Pizza 上鋪有大蝦、車厘茄、紫洋蔥等等，最正就係有冬陰功薯蓉，帶有少少微辣和冬陰功嘅香味，就好似飲咁冬陰功一樣，玩味性超高！

主食： 火山黃咖喱配軟殼蟹

一上菜就比造型吸引，完全要相機食先，皆因菜式以火山造型，上面有一大隻軟殼蟹，鋪有超香濃的芝士。切開火山脆皮，內裡有超多咖喱菜，口味不辣，連同火山脆皮和法式多士，好好味！

特色甜品

甜品：泰式香蕉煎餅

還記得每次去泰國夜市，都必食Banana Roti，諗唔到呢間餐廳都有，而且味道好相似呀！跟泰國夜市的煎餅Size 一樣，上面再加一球雪糕和肉桂焦糖蘋果，口味清甜，既有蘋果蓉嘅口感，亦有香蕉嘅口味，值得推介！

甜品：芒果糯米蛋糕

泰國餐廳就有好多芒果糯米飯，而呢一家餐廳則將佢設計成糯米蛋糕，精緻嘅糯米蛋糕，底部鋪有香濃嘅芒果蓉，入口也吃到糯米飯嘅椰漿，算係芒果糯米飯嘅新食法，而且味道都唔算呀！

甜品：泰式奶茶蛋糕

就算唔飲泰式奶茶，可以試吓呢個泰式奶茶蛋糕，整個蛋糕都好精緻，有4”大的蛋糕，建議兩三個人一齊享用！蛋糕味道完全有奶茶嘅口味，雖則冇直接飲泰式奶茶咁甜，但都幾好食！

餐廳： no money so lonely
地址：旺角彌敦道700號 TOP, This is Our Place 4樓 406-408舖

更多香港好去處: www.iPlayHK.com