沙田第一城鎖車隊的鎖車速度，一直都被公認是全港第一，近日在Facebook「車Cam L（香港群組）」內流傳了一段第一城鎖車隊極速鎖車的片段，片主目擊到外賣員剛落車唔夠10秒即被鎖車的經過，整個鎖車過程僅30秒，外賣員在一分鐘內回來也已經太遲。片主直斥不近人情，「今時今日環境，搵食啫，放人一馬都唔得。」
第一城鎖車隊｜外賣員落車10秒即被鎖 被轟不近人情！
片主在Facebook群組「車Cam L（香港群組）」內分享影片，片中可見正在下雨，相信是近日所拍，片中有兩名第一城的鎖車隊職員，在一輛電單車旁邊進行拍攝、抄寫紀錄、鎖車等一系列工作，過程僅半分鐘，手法純熟，訓練非常有素。
廣告（請繼續閱讀本文）
廣告（請繼續閱讀本文）
後來電單車司機現身，疑似是與兩位鎖車隊職員理論，但兩位職員快步離開，未有理會外賣員。片主怒指「第一城真係無人性，架外賣電單車我睇住佢剛停架車，唔夠十秒，即鎖，連停車+鎖車，唔洗三十秒。送外賣啫，司機又唔洗一分鐘番嚟，今時今日環境，搵食啫，放人一馬都唔得」更補充該位身穿黃背心職員態度非常差。
廣告（請繼續閱讀本文）
網民：鎖車每部有呢個數梗係勤力 教路送貨員一招免於被鎖
影片出街後網民就湧入留言，很多人表示同情外賣員，「唔係工作需要被迫送去第一城，根本唔會泊喺度」、「落雨送外賣已經辛苦又危險，仲要罰人$320，班鎖車X正仆X」，網民更呼籲「全線車手唔好送第一城啦，等居民搞掂唔鎖外賣車手先再送過」、「第一城單就咪鬼做啦」。
另外，更有網民指出「聽人講好似鎖車有Commission分，所以佢哋去得好盡」、「外判公司分賬的」、「因為管理公司內部有條文，每鎖一部車有$100獎金」；也有網民教路其實外賣員可事先打電話給管理處，報車牌、座數、樓層，送貨可有半小時泊車，便可免於被鎖車。