「唱作王子」馮允謙（Jay Fung）今年3月首踏紅館，舉行《JAYPOP LIVE@COLISEUM 馮允謙演唱會 2023》 ，反應熱烈，未開售已宣布加開1場，即3月25至27日，一連三場的門票，於1月12日早上10時起，信用卡優先訂票；同時宣布下星期一（16日）公開發售，各位「追風」（歌迷暱稱）要留意。
Jay在工作中突然接到公司通知加場，開心到大叫，他說：「好開心，剛剛收到公司好消息，我原定3月25和26日喺紅館舉行嘅演唱會加場，係呀，好Crazy！我完全無估到，特別開心、特別興奮，因為仲未公開發售，但反應好好，所以加開27號一場，我𠵱家好興奮又好緊張呀！」
廣告（請繼續閱讀本文）
Jay表示最想第一個通知父母，他說：「好想𠵱家即刻話畀媽咪和爹哋知道，不過呢個時間佢哋喺加拿大應該瞓咗，一陣我會通知佢哋，要佢哋到時留喺香港陪我耐啲！」對於演唱會籌備進度，Jay透露歌單已定了8成，主要都是他的創作作品，還有一些過去音樂會沒表演過的滄海遺珠。
（即時娛樂）