薛家燕日前出席一個廚具活動，吸引半百觀眾圍觀。家燕姐對食向來有要求，但就甚少親自下廚，因為覺得要煮得色香味俱全，需要花好多心機，家燕姐表示家中已有「廚神」，她說：「我新抱好鍾意煮嘢食，之前抗疫期間，我哋好少出街食，一日三餐都係佢煮咁滯，佢真係煮得好叻，近日佢仲教埋我孫仔煮，早前我孫仔生日，佢兩個一齊整蛋糕，孫仔整完仲同自己講Happy birthday，真係好鬼得意，好可愛。」
廣告（請繼續閱讀本文）
家燕姐的孫仔Julian已經18個月大，身為嫲嫲的家燕姐有為Julian慶祝，更送了很多玩具車給他，她說：「因為Julian對很多交通工具都好有興趣，學很多類型車的生字，做嫲嫲就投其所好，孫仔很開心。」
剛在馬來西亞工作回港的家燕姐，留港數天後，又馬不停蹄地飛美國，她說：「今年聖誕節應該都喺美國過，因為之前疫情無得飛，𠵱家可以飛，就有好多歌債要還，好耐冇飛去登台見老朋友，所以都好開心，應該要忙到農曆年前，過年就應該會返香港。」
（即時娛樂）
廣告（請繼續閱讀本文）