【陳明憙保持靚樣落水拍MV】陳明憙Jocelyn日前推出新歌《放下的頻率》MV，呢首歌亦是《音頻治療單曲系列》第四部曲。MV中Jocelyn與男主角非常親密，除了接吻戲外，二人更齊齊落水非常溫馨：「我其實好少演出自己嘅MV，呢次都好辛苦，因為又打打交又要錫錫，一時甜蜜一時分手，情緒起伏好大嘅。其中落水戲份都好辛苦，要睇住個妝有冇融，又要笑住咁望鏡頭，明明啲海水好『醃眼』都要扮冇事。咁大家都知道係拍攝工作，所以親密動作都唔會尷尬，事前都夾好晒位，所以好快搞掂收貨。」
呢首歌講「放下」，陳明憙就話甚有難度：「因為我係金牛座，所以比較長情啲，要放低祝福舊愛都好難。今次我都邀請咗啲藝術家，用佢地嘅方法去表達放下嘅感覺，嚟緊都會有藝術展覽，遲啲就會話比大家知。」
鏡頭一轉，二人在MV中大吵大鬧，全屋的水晶小擺設都被摔倒，Jocelyn就話「暗藏玄機」：「因為今次首歌錄咗水晶缽嘅聲音，其實水晶缽好容易打爛，同人嘅心靈一樣咁脆弱。其實拍呢場戲都好投入，隻手都瘀晒，仲要拍通宵，所以希望大家都支持吓。」Jocelyn就話現實中唔係任性，平時唔會亂「掉」嘢發洩：「因為我份人好理性，即使幾Hurt都好，都唔會亂掉嘢！因為依家係自己住，掉完咪又係我自己執翻，仲驚啲貓貓整親添，所以現實中唔係咁凄美嘅人，最多都係用音樂治療平整吓心情，甚至好『自虐』咁寫歌，因為呢啲情緒唔係成日有㗎嘛。」
#陳明憙 #放下的頻率
#香港音樂人 #香港製造 #makeinhongkong
#香港人撐香港音樂 #撐廣東歌撐谷Live #香港音樂
#2022廣東歌 #新歌
----------------------------------------------
👍🏻 Facebook：https://bit.ly/2HZAgDL
♥️ IG：https://bit.ly/34PhuYx
⭕ YouTube：http://www.youtube.com/c/谷Live
🏆 谷撐音樂流行榜：https://bit.ly/3sECI7C