陳慧敏下月開騷 門票火速售罄 宣布加開2場：好開心

已有7年沒有開音樂會的陳慧敏（慧敏哥），將於5月17及18日假香港藝術中心壽臣劇院舉行2場音樂會，昨天（15日）兩場音樂會門票正式開賣，2小時內售罄，慧敏哥下午在銅鑼灣舉行記者會，公布音樂會詳細同時，即場宣布加開16及19日，合共舉行4場音樂會，慧敏哥說：「17同18號兩場已經賣晒，𠵱家加開兩場，好開心，多謝大家support。」

慧敏哥希望透過音樂會，與大家尋找各人心中的答案，說：「之前疫情非常辛苦，幾年穿梭澳門香港唔容易，有好長時間唔喺香港，呢啲經歷到自己再次回到香港重新出發唔容易，𠵱家仲可以開音樂會，一切都真係好感謝身邊嘅朋友，特別係最最最想多謝樂迷，所以自己最期待，係可以喺音樂會上聚首一堂，搵番自己最珍惜嘅嘢，Share嗰一刻感動。」

舞台設計上，慧敏哥透露會有少少融入大自然，是心靈之旅，會從自己的一個空間延伸至大自然，是好舒服的環境。

（即時娛樂）