廣告（請繼續閱讀本文）
內地頂流女星劉亦菲因為近期着上一品牌牛仔褲引發話題，好多人睇到相之後就跟風搶購同款，點知竟然出事，有粉絲發現該品牌櫃姐回覆客戶留言稱：「其實劉亦菲有點微胖，所以你們穿也比她好看。」引嚟大批劉亦菲粉絲不滿，截圖甫上網公審，最終遭品牌解雇，事件直登熱搜。
廣告（請繼續閱讀本文）
日前劉亦菲因為着上一條背面有蝴蝶結嘅牛仔褲，被網友偶遇後上載到網上，點知劉亦菲雖然唔係該品牌代言人，但呢條牛仔褲竟然一瞬間賣出3,000多條，本身一條都單價1,500元人民幣（下同，約1,608港元），淨係呢件單品就帶嚟將近500萬（約536萬港元）生意，明星效應非同小可。
因為櫃姐回覆激嬲粉絲後，有多人接連選擇退貨，品牌方即急急發聲明表示該櫃姐因不當言論被解僱，公司亦將對員工進行更嚴格嘅行為規範培訓，以避免類似事件再次發生。不過針對此事件，網友意見分歧，有部分人認為櫃姐本意只為氹客戶開心，並無貶低劉亦菲之意，但亦有人認為佢用到官方號發言，已經影響品牌形象。
東網網站 : https://on.cc/東網Facebook專頁 : https://www.facebook.com/onccnews/
廣告（請繼續閱讀本文）