筆者早前介紹過一啲小眾品牌，大家可以睇番《小品牌、大夢想 | 淺談三個小眾運動補給品品牌》。Näak 創辦人 William 早前亦曾經到訪香港，更聯同跑步 café The Station 組織咗一場 community run，William (下簡稱： Will) 同 Wazup Run Captain Rob 做咗一次簡單對談，分享一下 Näak 背後故事。
問：創立 Näak 嘅原因？
Will：我本身係一位資深三鐵運動員，練習時經常出現 100km 單車，過去 20 年，覺得補給品冇太大進步，都係以速效糖分為主；當進行更長時間嘅訓練同比賽時，身體唔可能一直只接受碳水化合物，這會產生腸道問題，係某啲時候會感到口淡，再也食唔到任何野。加上越野跑運動已經發展到越來越長嘅距離，例如 100 miles。
補給品反而係增加距離冇同時有改變，所以我哋要做一件唔同嘅事情，就好似科學說明你必須食咩一樣，我哋發現不僅要及時補給碳水化合物，同時仲需要蛋白質，同埋 適量嘅電解質，我哋就決定將所有嘢放埋一齊作為營養品，咁可以幫跑手無論比賽中或者更長嘅訓練都有良好嘅體驗。
Näak 嘅使命係幫助跑手獲得更好嘅營養補給，獲得更好體驗，衝過越野跑嘅終點線，同埋應用係其他耐力運動。另一件非常特別嘅係，我同另一個創辦人 Minh 已經成為素食者，我哋非常關注全球暖化之類嘅事情。Näak 嘅目標係實現碳中和，抵消我哋之前產生嘅每一個碳足跡同碳排放。
Näak開發咗唔同類型產品提供全面營養，有固體、semi liquid 同 drink mix。
Semi liquid 嘅產品有 power gel 同 puree，固體就有 power bar 同 waffle；係每款產品中都有適量碳水化合物、蛋白質同電解質，係一種多合一嘅解決方案，可以根據一日唔同時間（天氣冷熱、夜晚定朝早）攝取身體所需。
waffle
問：點解有製作 waffle 嘅想法？
Will：Waffle 係 Näak 其中一款標誌性嘅產品，實際上佢係一個來自荷蘭嘅獨特小食，稱之為 stroopwafel，它好味又易吃，同其他固體食品都非常唔同。我們受到 stroopwafel 啟發，係市場上提供含有蛋白質且不含棕櫚油嘅產品，呢個對地球都非常好的
問：請問依家 Näak 係遍布全球幾多國家？
Will：Näak 總部設於加拿大。八年前，我哋係 Montreal開始。然後我們從 2022 年開始不停係全球擴張，依家已經有超過 30 個國家有 Näak 嘅足跡。去年，我哋成為 UTMB World series 嘅補給贊助。如果你哋參加 UTMB 比賽，您會發現 係每個 CP 都會有 Näak 嘅產品，係比賽中提供最好嘅 nutrition support 俾跑手。
問：2025有新產品上市嗎?
Will：過去兩年 Näak一直研究開發更適合短距離嘅產品，我哋發現呢個係一個非常大嘅需求。呢個將係我哋明年一個重要嘅大型發布。而今年 Näak最新推出咗 complete recovery mix包含跑手需要嘅所有碳水化合物、蛋白質同電解質，提供訓練後最有效嘅恢復。
問：Näak 咁多款產品，邊款係你最愛？原因？
Will：比賽期間我嘅首選會係 drink mix，因為佢係市場上最大嘅 game changer! 佢係一種可以飲用嘅補給品，有齊所有營養成分，不只喝水，仲係一支含有 250 卡路里同蛋白質嘅快速補給。
問：你作為一個運動員，邊個係你最喜愛嘅比賽？
Will：我最喜愛嘅係其中一個最艱難嘅賽事叫 Ultra Trail Harricana du Canada 一個係加拿大魁北克舉行嘅 125km 嘅比賽，我大概用左超過 17 小時去完成，大約 6000m 攀升配搭有技巧性嘅路段。一公里都好似需要好長時間，但係進入了森林，你可以看到一些非常好的山峰，一切環境都好靚； 比賽係凌晨2 點左右開始，爬上第一座山，大概就係日出時間，所以係山頂見到日出係好 Cool，整埸比賽都帶好多美好回憶俾自己，真係好正，好 Cool。
當日 Wazup Run 亦舉辦了一場 community run 讓 Will 同香港跑者作簡單交流及分享越野跑嘅體驗，而 Näak 當日都派發左 power bar 及即場試飲 drink mix 等參加者試食試飲。
The post Näak 運動營養品牌創辦人 William 到訪香港 | 以環保概念建構的完善補給品 appeared first on Fitz 運動平台.