日本必食｜日本汽水機賣拉麵、炸雞
日本「汽水機」竟然賣拉麵！相信大家去日本都會留意到佢地有好多特別既「汽水機」，而最近又有新搞作！有網友在中野站附近發現，「汽水機」入面竟然係賣罐裝拉麵！一罐500日圓，仲係熱辣辣咁擺喺飲品區，即買即開食，簡直係肚餓救星！冷冰冰嘅街頭，買到一罐熱辣辣拉麵，嗰種幸福感，真係食過先知！除咗拉麵，仲有賣炸雞、燒肉、漢堡排既「汽水機」，真係創意無限！
廣告（請繼續閱讀本文）
廣告（請繼續閱讀本文）
▲呢款拉麵罐頭係由日本丸山製麵出品，配料包括叉燒、蔥、竹筍等，配料十足，湯底還原正宗拉麵風味！而且麵條特別採用小麥麵製成，無論浸幾耐都保持彈牙，口感滿分！
廣告（請繼續閱讀本文）
▲日本人的創意真係令人意想不到，唔同既熟食都可以擺入「汽水機」，唔係凈係賣飲品咁簡單！
▲仲有炸雞、燒肉、漢堡排等等。
▲睇賣相全部都好吸引，唔知香港遲啲會唔會引入依種「汽水機」呢，無得飛日本既小編表示好想試～
文字：香港人遊香港 / 圖片：X@jido_hanbaiki 自動販売機マニア（石田健三郎）
華 其實大陸都幾慘，通街都預制菜🤣，係得佢哋咁大反應
10小時前
浪漫勇士 如果好食，拉麵店等執笠啦
10小時前
顯示全部