由周殷廷（YT）與YouTube頻道JFFT組成的組合「JFYT」，首次打入「叱咤樂壇我最喜愛的組合」5強。JFYT成員之一「床哥」日前在直播嘲笑Edan呂爵安出局，又指其粉絲「爵屎」拉票期間，Edan卻飛到台灣與緋聞女友林明禎行夜市，Edan的MIRROR隊友姜濤公開留言「冇品」。姜濤昨日（11月27日）出席活動時再重申，公眾人物的一言一行都很有份量，大家都是同行，希望將心比己。他認為藝人每句說話都可能有自己的追隨者效彷，所以每句說話都要思考過，「唔係一句講笑就可以冇事。」
廣告（請繼續閱讀本文）
姜濤前晚直斥床哥「冇品」後，床哥以模仿姜濤之前的限動出帖「道歉」。昨日，床哥在自己的IG「個人介紹」中寫道：「Bed Gor（有品）」，又宣布「突然十萬，係一個值得紀念嘅日子」。
廣告（請繼續閱讀本文）
床哥指有邀請Edan做直播
昨晚JFFT連同周殷廷（YT）再開直播，YT首先透露自己已跟Edan道歉，之後床哥繼續就事件發表意見：「經過YT搭路，我同Edan有少少聯繫，大家都有共識，知道係講笑，係冇惡意，但當事情到呢個地步，發到好大，發到難以操控嘅場面，其實係唔想見到。」床哥表示，他有邀請Edan一起做直播。
廣告（請繼續閱讀本文）
床哥：我冇品嘅地方喺邊度先
床哥再重申自己並不是惡意攻擊，只是客觀陳述：「突然間有位師兄走出嚟，我懷疑佢唔知頭唔知路，未了解。依家好多上網嘅人係冇批判性思考。」、「我有睇佢今日個訪問，『大家互相尊重、了解多少少』，佢成個訪問可以用返落佢自己嗰度。」、「佢好明顯係冇了解咩情況，亦冇同隊友好好溝通，就咁衝出嚟：『冇品』。」、「我依家成個IG好多DM話我冇品，如果你話我冇品，唔該你列出我冇品嘅地方喺邊度先，唔係就咁擺低兩個字『冇品』」、「突然衝出來一句『冇品』，令事情已經收拾唔到。」……
姜濤公開指床哥@JFYT「冇品」 現身親解：唔係一句講笑就冇事
Michelle 呢件事反映咗佢的確係冇品，而且唔識尊重人，質素好差，想利用Mirror 博出位！
利申：我唔係鏡粉，亦都唔係姜粉，我只係以事論事
2024年11月28日05:13
許小姐🙊🙈🙉 有冇了解清楚情況都可以覺得你冇品。都仍然可以覺得件事唔係一句講笑就可以冇事。有人可以，唔代表人人可以。要繼續發酵件事表明你真係唔係只冇品。借人哋嘅名氣出位，仲勁cheap。YT 真係好多謝你🙄🙄
2024年11月28日05:27
😊😊 拉扯完Edan仇恨
再繼續拉扯到去姜濤
佢講呢啲野有冇同YT大哥溝通呀
俾佢累死
2024年11月28日05:07
Yan Cheung 奇怪🤔同Edan有共識，知道你係講笑，唔介紹，就代表你咁講野係啱？就代表你有品？睇唔過眼的反變成問題？
唉😮💨現在已經變成，只要面皮夠厚，講得出口就可以當係真了。
2024年11月28日05:21
Lee Lee 我唔係姜糖，但呢條床哥真係越睇越煩，越睇越無品，借人出位行遠啲啦
2024年11月28日06:14
顯示全部