柏林馬拉松，對不起謝謝你🫶🏻，Sometimes you need the pain。
我係公認為最好做時間的賽道上面，跑出我最慢的*成績。（*以做時間的馬計算）
「我唔知咩事我好眼瞓呀！」
跑到 9 km 知自己狀態唔夠寧願早一點食 Gel 都好驚爆，但點解食完我都會係 12 km 個時咁眼瞓。我知我要搵嘢醒返，我就可以無事，但我一直都搵唔到。
「我好痛😭真係想喊！」
到接近18km，我發現自己已經係拖住隻左腳嚟跑，因為掂地痛，自然地就拖，然後係左手邊有位柏林市民舉住一個 「Pain Is Just Temporary」嘅牌，我同自己講係呀，暫時㗎咋！嘗試拎起左腳做返form，因為心底裡我知道，咁早就拖，我隻右腳都會好快支持唔住。
「掂呀，黑洞做到呀，得呀！」
眼望住3:45 pacer 就係前面，差100 米距離，「頂住我入到去就做到㗎！」係，第一次開聲，講俾自己聽。
「PB 一秒，就一秒都好呀😐！」
眼見大軍漸漸離我而去，成堆人保持到，我就頂唔住，愈來愈慢，望錶去到 6”00 了，我再起唔返我真係會好辛苦。
「我真係好想行，得唔得😭為乜要咁辛苦？」
點解，點解我要跑到咁辛苦？趾公的對撐痛已經去到叫出聲，我知呢鋪黑梗甲，過埋30 km 就斷片㗎啦，就返到去。當一刻，見到香港🇭🇰旗在揮動，我大叫咗一聲，「香港人」，對方大大力支持，平時的我應該boost 到，但今日的我，大約醒了300 米，又跌返落去。
「至少我哋保住sub 4 好唔好？」
行返去好辛苦，好遠，跑住一定快過行，AR 拍拍手 37-8km，都係一樣，只係頂到 300 米的力量，然後我就唔得了。到見到 signature 的拱門，我的興奮仔都真係出唔到嚟，直到見到藍色地，我就只能迫埋最後嘅力。
我，終於，衝線完成了 – 3:53’32”。
打從18km 開始，就知呃緊自己，但我只係知一鬆我就無㗎啦，返唔到黎。我個一刻真係人生走馬燈般，播返晒我練課時每每覺得好辛苦的畫面，如果而家放棄所有野都要重頭嚟過，而我真係唔想呀🥲…
直到衝終點個一下，我終於將腦入面句嘢講出嚟，可以坦白承認我隻腳真係好痛呀😭（當下就係我見到Kelly 媽的時候，我就崩潰式缺堤，嗚嗚嗚～～）！
第一粒星，我覺得自己拎得好辛苦🥹，我諗呢個都係我最放唔開的位，不太喜歡這樣對待自己的身體，亦不喜歡跑得如此辛苦嘅自己。
賽後，用了點時間處理自己，亦好多謝同我傾嘅你地💕
六大馬，真係唔簡單，好一堂課！到今日能真正把這句講出口了– 柏馬，多謝你💙
跑一隻馬其實唔係個人嘅事🫡
Thank you everyone
多謝教練 wailungcoach ，多謝你經常對我嘅問題坦白回應，唔會就住就住，會真真正正講出可能與不可能。亦好多謝你聽我個賽前以及衝線電話，未試過要咁即刻打俾你🥹。
多謝大夫 monstersiu 因為你我右腳跑完全程都無事，只係我左腳唔爭氣。真係多謝你同成日搞到姑娘晏咗收工，真係唔好意思🙇🏻♀️。
多謝 #柏馬都追唔上小隊 MVP 呢個名銜你值得擁有！ florencetsuii 多謝你緊急幫我壞咗嘅腳應診🙏🏻
感激🤜🏼🤛🏻 pinpinll 唔係有佢我可能要瞓街，仲有佢每日提供各跑手準備嘅情況（佢都會起身視察窗外大家嘅準備狀態）。
多謝龍仔體育會🐉，好多時係你哋執我長課，會好記得終極長課有你地幫助🫶🏻，平日上堂嘅所有（在心中）🙌🏻。
多謝Kelly媽haha.haha.kelly 🤭，我哋個個傷患組，有你頂住個廚房😂，我乜都無理地攬住你爆喊，多謝你繼續 keep 住微笑，無推開我😛，你講得好啱 that’s life🤜🏻🤛🏻！
多謝 Eric 同 9outrunner 🫡，有你地先有返晒啲嘢🙌🏻
多謝呢個旅程嘅你哋🤣，有你哋帶咗好多歡樂同經驗（🍾），四海皆兄弟，賽前加碳餐，DM 掃貨指南，更更更多謝你哋賽後係我乜都無晒個時陪我等😭，又幫我留電郵，真真正正感受到三間嘅愛🫶🏻。
多謝一直鼓勵我同留意我比賽嘅你哋💪🏻，一字一句我都有好好放在心上💛。
最後，多謝唔俾鬆懈嘅自己，嗯，我知你懂。
Please follow Insports Hub on Facebook & Instagram
https://insports-hub.com/
FB
https://www.facebook.com/insportshub
IG
https://www.instagram.com/insportshub/