昨夜舉行嘅歐霸盃八強賽事已經順利完成，四強戲碼如下🙌🏻
🇮🇹祖雲達斯 對 西維爾🇪🇸
🇮🇹羅馬 對 利華古遜🇩🇪
昨夜主場出擊嘅西維爾，首回合對戰曼聯賽成2比2，次回合曼聯核心般奴需要停賽，本以為曼聯能夠打出接近上一場對森林嘅表現，但8分鐘曼聯隊長麥佳亞率先派膠贈送皮球予對手射入，曼聯馬上陷入被動位置。中後場嘅混亂加上前場創造力低，起腳威脅甚低，中場失勢，特別係艾歷臣狀態失準，復出嘅球員包括拉舒福特同梳爾狀態不足，落後之下無反擊之力🥲與此同時，47分鐘西維爾中堅比迪(Loic Badé)頂入角球，落後兩球之下曼聯球員缺乏鬥心，81分鐘門將迪基亞出迎控球失誤，主隊前鋒安拿斯拿輕鬆完成梅開二度終結懸念，結果西維爾次回合3比0淘汰曼聯，晉級四強🫠
廣告（請繼續閱讀本文）
同一時間嘅比賽仲有羅馬主場鬥荷甲飛燕諾，首回合飛燕諾領先一球，羅馬今場至少要入一球先有價講，因此一開波羅馬就採取主動圍攻客隊，全場33次起腳，xg高達4.78球，但直到60分鐘先由史賓拿索拉打開紀錄，因為前鋒艾巴咸埋門確實差劣，往往向住對方門將心口勁射。往後飛燕諾係80分鐘頂入追返一球，89分鐘絕望之際，羅馬殺入禁區之內，柏歷堅尼再向前短傳，戴巴拿右腳一控一探，被對方中堅壓住再轉身，倒地之際左腳一射入網，整個過程功架十足🔥
帶入加時賽嘅羅馬雖然體力有所下降，但有隊長柏歷堅尼交出致命直線同攻入第四球，徹徹底底彌補首回合十二碼宴客嘅過失，最終羅馬反勝飛燕諾晉級四強，Daddy摩連奴再下一城，四強對手將會係德甲利華古遜🕺
廣告（請繼續閱讀本文）
Follow 足球港場Instagram