喺茂蘿街 7 號嘅過百年戰前樓宇再有新店開幕！此地經活化保育後去年有已不少餐廳、商店進駐，其中最熱門嘅打卡店係明治風格嘅餐廳酒吧及咖啡店 Maison Meiji！於古建築內設計成和洋風格，雲石枱、墨綠色瓷磚、黑白紅拼色地磚、復古鏡面等元素，有恍如隔世嘅日式大宅氛圍。
Maison Meiji 內還有一個未公開嘅空間，打造成居酒屋剛剛開始試業，一張長形居酒屋吧枱僅可容納 10-12 人，隱密親和嘅氣氛滿有日本居酒屋情調。居酒屋行政總廚春田達雄在港已 20 年，熟悉本地文化同時堅持將日本菜嘅精髓保留，為餐廳帶嚟融合傳統烹調嘅鄉土料理。
廣告（請繼續閱讀本文）
這裏餐牌選擇十分精選，約二十多款菜式除咗常見嘅居酒屋食物，像白鱔串、手做免治雞肉棒、雞子燒等，亦加入富有鄉土特色嘅樸實料理。「帆立貝味噌煮蛋」（$198）選用青森縣帆立貝，於貝殼上加入麵豉、香蔥及生雞蛋，奉上餐桌再燒熱即食，香郁鮮味共冶一爐。
廣告（請繼續閱讀本文）
喜歡海鮮還有很多選擇，「吉列一品鮑魚」（$128）油溫控制十分重要，令鮑魚只炸至 8 成熟，外層有吉列香脆口感而肉質鮮嫩。
其他推介仲有馬友一夜干、松葉蟹甲羅燒、柚子胡椒酒煮大蜆等，另外小食漬物也值得一試，蕎頭、串茄、苦瓜、牛蒡等全部自家醃漬，是最佳嘅佐酒小吃，吃罷別忘了點選一份造型美輪美奐嘅甜品，為此明治之夜甜蜜作結。
廣告（請繼續閱讀本文）
居酒屋於新開業期間推出優惠，由即日起至 4 月 15 日期間光顧即可獲 85 折。
地,址：灣仔茂蘿街 7 號 1 檈
營業時間：6pm-11pm
電話：6186 0889