有本地媒體爆料，賭王千金、現年 31 歲嘅何超蓮預定喺今年 4 月結婚，而對象係拍拖多年嘅男朋友竇驍。報道指，佢哋整個婚禮會豪洗 5 千萬港幣，一連兩日喺峇里舉行依場「世紀婚禮」！淨係名牌手工製婚紗都已經值逾百萬，都未計逾千萬嘅珠寶首飾，果然 何超蓮結婚 真係極奢華！
廣告（請繼續閱讀本文）
邀請過百名人及親友到場 全包眾人洗費
報道指出，兩人會為賓客安排好機票加五星級酒店住宿，超貼心以全包方法照顧親朋好友～而且婚禮選址私隱度極高，現場保安極嚴之餘，就算收到喜帖，都要核對身分先可以進場！果然係富貴人家嘅婚禮啊⋯
廣告（請繼續閱讀本文）
超強勁星級姐妹團 Twins、鄧紫棋等人都會出現
有傳超蓮已經邀請咗多位圈中好友做姐妹，當中包括 Twins、鄧紫棋、薛凱琪、JW、李蘊等人，陣容真係超強大啊！聽講竇驍都請咗唔少大陸演員參加婚禮～
廣告（請繼續閱讀本文）
有超蓮嘅閨密同傳媒透露，其實二人已籌備婚禮接近一年，超蓮喺婚禮嘅大小事上都盡心盡力，希望可以有一個完美嘅婚禮回憶。最後預祝兩位一直都甜甜蜜蜜、幸幸福福～
延伸閱讀