廣告（請繼續閱讀本文）
廣告（請繼續閱讀本文）
廣告（請繼續閱讀本文）
張敬軒近日忙於開紅館騷，日前更在台上大呻呢排工人姐姐（遮遮）日日都煲粥佢食，「我忍唔住同『遮遮』講，我係開演唱會，唔係照腸鏡呀！」由於軒仔成日都於IG分享遮遮啲「創意料理」，仲搞到嘉賓之一的湯令山（Gareth.T）都送兩本食譜畀軒仔，叫佢轉交畀遮遮。
唔知遮遮係咪真係有跟Gareth.T啲食譜煮嘢畀軒仔食，昨日（22日）軒仔於IG限時動態分享兩餸一湯，都大讚兩個餸有進步，「今日呢個蘑菇甘筍炆雞，係整得OK嘅，香口嘅！」而上次軒仔話遮遮將芥蘭頭扮西蘭花，今次亦有改善，買到真嘅西蘭花，「今次啲西蘭花係真，呢個蝦都新鮮好食，有鑊氣，至於呢個湯呢……」冇錯，遮遮今次都唔意外地，有失手！軒仔起初形容唔到碗雞腳湯嘅味道，飲多一啖佢終於講得出：「好似啲滾水攤凍咗，呀…唔係，應該話…好似炒完呢一碟餸（西蘭花炒蝦球）之後，個鑊擺咗落鋅盤度，溝咗水之後，嗰啲好似洗鑊水咁樣。」而且啲雞腳仲有少少粉紅色，軒仔就質疑未熟晒！睇嚟下次大家送食譜畀遮遮，要買教煲湯嗰啲嘞！
更多最新疫情資訊，請到以下專頁瀏覽 按此
立即下載 | 全新《星島頭條》APP : https://bit.ly/3yLrgYZ