海洋公園萬豪酒店Hong Kong Ocean Park Marriott Hotel 限時4日零房價！一晚$1,090 起預訂即獲贈與客房房價等值的餐飲消費額，於入住期間品嚐酒店餐廳或客房美食服務。
【小編試住報告】
小編之前平日book咗間房體驗海洋公園萬豪酒店，分享返住宿報告俾大家！
【香港海洋公園萬豪酒店 房間】
小編因為係萬豪Bonvoy 白金會員，所以房間可升級去到海殿Club Wing嘅行政尊貴客房，間房大約有300至355尺，景觀望到整個游泳池，送一轉mini bar。房間設計係開放式，以木系傢俱同少量海洋顏色作設計元素。洗手間同睡床有活動拉門分隔開，所以感覺都算大同開揚。窗邊有張長梳化可以攤哂成個人，床頭兩邊有USB充電位，燈制/自動窗簾開關，仲有JBL藍芽喇叭。廁所乾濕分離，有浴缸，備品用泰國香薰品牌THANN，所以對於間房小編整體都幾滿意。
【香港海洋公園萬豪酒店 Lounge】
之前白金會員升級M club樓層仲可以用行政酒廊，不過宜家已經唔包喇！但小編照寫出嚟俾大家參考下！酒廊包早餐，傍晚Cocktail 小吃同甜品。晚餐小吃有少量cold cuts，熟食有雞翼，薯條，炒飯；甜品芝士蛋糕，朱古力蛋糕同macaron等，無咩驚喜算可填肚。
【香港海洋公園萬豪酒店 早餐】
係第一日Check in時職員會俾張飛，寫住9-11am早餐時間，同埋職員話要去ballroom食，相信因為好多人而咁安排。小編第二日9:20am去，大概等5分鐘安排座位。入到ballroom真係呆左下，一黎第一次喺宴會廳食，好似茶樓咁，二黎好多人大約80張台坐滿9成。食物嘅種類有中式蒸點，西式煙肉腸仔，即製奄列，冷盤，沙律，麵包，果汁咖啡等，食物質素正常，無咩驚喜。refill速度都快，好少出現空盤情況。
【香港海洋公園萬豪酒店 游泳池同健身室】
泳池宜家暫時未開放！之前就開全日8am-9pm，留意清池時間分別係11am-1pm同6-7pm。分小童池同2個大人池高1.2米。第一日下午5點經過見到最多人，好多家庭同小朋友玩水，真係多人到唔想落水！泳池夜晚開7-9pm，人流比下午少，個池開哂夜燈都幾有度假feel。小編選擇第二日朝早8:15am去游，小啲人可專心游水放鬆下。酒店始終多家庭客，所以健身室係無人去…哈哈哈。
【服務及總結】
小編覺得酒店房間都仲幾新，整體好乾淨！如果有優惠的話，一家大細真係好抵玩啊！
【萬豪旅享家紛享會員日限時優惠】7間酒店零房價！
今次萬豪集團旗下有7間酒店參與零房價快閃優惠！只做4日咋！香港海洋公園萬豪酒店一晚$1,090 起 (連服務費$1,199 起)！預訂即獲贈與客房房價等值的餐飲消費額，於入住期間品嚐酒店餐廳或客房美食服務。