孩子要去到多大，父母便應該放手讓他們有多些自由呢？一名中三女生便在網上大呻家人管得太嚴，每日上學父母都管接管送，甚至派家中2名工人到校門前接放學，更幫忙揹書包。大陣仗安排引起同學們的注意，更因而取笑女生，令她感到相當困擾。
Photo from TVB《青春本我》
父母送放學接放學
該名就讀中三的女生日前在IG專頁「名校Secrets」投稿，她稱本來父母答應讓她自行返學放學，惟最近他們突然反口，說要到中四才可以自立。雖然女生曾嘗試反抗，質疑父母哪有那麼多時間接送她，但媽媽卻稱「等工人姐姐佢哋接你未得囉。」
Photo from MamiDaily
中三女獲2工人接送
後來家中的2名工人便開始接送她返學放學，她們有時甚至會幫忙揹書包，讓女生感到相當尷尬和無面。女生在文中表示「全校得我一個有2個人陪我放學，但咁都未算係最衰」，後來她的爺爺嫲嫲更因為擔心孫女要天寒地凍、日曬雨淋等巴士，而動用2架私家車接載她，而2個工人姐姐就負責在校門接應。
被同學取笑太有錢
大陣仗的接送方式很快便引來同學注意，後來同學更發現她「朝頭早坐一架車返學，下晝放學坐第二架車（有時唔同，例如係寶馬/豐田）」，便取笑她「唔識返學放學」。甚至以此作為遊戲，一起估下午放學時她會坐哪輛車放學。不過女生沒有怪責同學，因為他們平日都待她不錯，只是笑她不懂返學放學。女生揚言很想脫離家人的魔爪，逐詢問網民意見可以如何做。
Photo from TVB《青春本我》
網民：我都想畀人笑
然而不少網民看過帖文後，都留言揶揄女生出此帖文是為了「曬命」，「曬命文」、「我都想比人笑一世」、「細個成日幻想有保鏢接放學，都不知幾型！比人笑有錢，好過比人笑窮」、「別人笑我太有錢，我笑他人住屋邨」、「過多幾年畢業佢哋就笑唔出」。
Photo from TVB《青春本我》
建議向父母坦白心聲
亦有人認為問題不是女生太有錢，而是家人太過緊張，「寶馬、豐田都唔算咩名車，名校大把有司機接添啦」、「你唔滿意嘅地方唔係屋企太有錢，而係你根本無自由。F3返學放學都要家人同意，不如學下點say No」、「有車送唔係問題，但會錯過咗好多中學時光。放學同fd一齊傾住計走再byebye都係一個樂趣嚟」。
延伸閱讀：
【睡眠】孩子晚上睡不著白天沒精神？ 6方法提高睡眠品質 讓孩子一覺到天亮
延伸閱讀：
【功課意義】K1小朋友功課要用木板整音樂盒 難為父母：依家幼稚園啲功課咁難
Text：Mami Editorial
Source：名校Secrets