萬聖節｜Marf＠COLLAR絲襪笠頭化「老笠妝」　後樓梯熱舞勁牙煙

一年一度萬聖節，圈中不少女星都扮鬼扮馬化妝cosplay，COLLAR成員Marf（邱彥筒）昨晚（30日）已率先分享今年萬聖節造型，公開絲襪笠頭後再化個「老笠妝」，然後到後樓梯勁舞一番，不少網民大讚她化妝技巧高超，同時擔心她熱舞時候會跌落樓梯。

Marf昨晚公開整個化妝程序的短片，先戴上絲襪，然後將眼瞼位搽滿白色，又戴上長長假髮，效果嚇人，她寫道：「（最鍾意萬聖節）（要對得起呢個節日）（希望冇人嚇親 但係有幾想你哋驚..：）」同時又表示：「儀式感很重要」。

其後，Marf又上載一條絲襪笠頭在後樓梯的跳舞片，COLLAR隊友Gao（沈貞巧）留言：「一邊睇一邊少少驚你會碌落樓梯！」Marf回覆：「比平時更加謹慎 好驚用呢個樣碌落樓梯」。網民紛紛留言大讚Marf：「化到對眼咁仲可以戴到假髮同整指甲」、「家陣老笠妝」、「年年萬聖節都有驚喜」。