Ray Online｜公務員事務局推網上問答遊戲　回顧祖國崢嶸歲月兼測試普通話水平

今年係中華人民共和國成立75周年，公務員事務局法定語文事務部之前舉辦咗「盛世華章」系列活動慶祝，當中包括普通話同歷史文化問答比賽，希望加深政府人員對國家嘅認識同加強國民身份認同。當局喺入面抽取咗10條問題，舉行嘅「崢嶸歲月」普通話網上問答遊戲，等公眾可以一邊回顧祖國走過嘅崢嶸歲月，一邊測試自己嘅普通話水平。

問題分成四個部分

10條問題分成上世紀初嘅新文化運動、近14年嘅抗日戰爭、新中國成立後同改革開放4個部分，主要考考公眾普通話讀音同拼音，例如搵出文藝作品入面舌尖後清擦音「sh」嘅單字、喺由普通話拼音組成嘅句子入面識別出偉大人物名字，同埋一啲字嘅讀音問題。

普通話網上問答遊戲今日開始去到下個月21號都有得玩，公務員事務局話歡迎市民參與，測試一下自己嘅普通話知識，而每條選擇題揀完答案之後，下面就會即刻顯示正確答案兼附有解說，同時認識歷史同普通話，大家不妨上去網站挑戰下自己。

原文刊登於 AM730

睇完新聞，記得追蹤am730以下平台，接收最新、最啱你嘅消息！
Facebook：am730 (https://www.facebook.com/am730hk)
Instagram：am730hk (https://www.instagram.com/am730hk/)
YouTube：am730 (https://www.youtube.com/c/am730video)