【生仔要考牌】新抱佗B 47歲奶奶接好孕　新抱狂勸不要生釀婆媳反目 遭批自私！

奶奶同新抱同時間懷孕，究竟是雙喜臨門定家庭悲劇？本地一名孕媽就在網絡發帖公審奶奶，直言「今年我屋企發生咗件好痴線嘅事，奶奶成四十七歲人仲要玩生仔」，且距離自己懷孕相差4個月時間。她狂勸奶奶唔好生，反遭奶奶記恨，讓她大呻：「好後悔生仔，好後悔嫁咗入嚟！」

Photo from MamiDaily

懷孕新抱獲奶奶照顧 慶幸冇嫁錯人

27歲的原po於FB專頁「生仔要考牌系列」投稿，透露本身和大一歲的老公戀愛多年，去年因爲意外懷孕而結婚。雖然是未婚先孕，不過她向來和老爺奶奶「好夾」，還獲得老爺奶奶贊助擺酒費用，加上小倆口自己住，奶奶在其懷孕期間每日都會準時拜訪為她煮飯煲湯，讓她感動不已，心想「真係冇嫁錯人」。

47歲奶奶懷孕 新抱狂勸落仔

直到她懷孕第6個月時，奶奶竟然宣布已經懷孕2個月！她當下相當混亂，只擔心：「到佢生嘅時候，我個仔已經出咗世，如果佢真係生嘅話啲親戚關係應該點叫好呀?」原po續指，奶奶已經有4名孩子，其中最細只得9歲，她實在想不通奶奶為何還要再生，於是勸奶奶放棄。結果奶奶卻非常高興，反說服她：「有多個陪個孫咪仲好，兩個一齊湊仲好。」

原po嘗試和老公及其他細佬妹溝通，結果他們皆認為生或不生是奶奶的權利。原po不死心，又再多次勸奶奶不要BB，結果就是奶奶態度大變，不再關心她，甚至當她仇人般不聞不問。

Photo from 《壞媽媽》劇照

婆媳關係惡化 冇人幫手湊仔

不僅如此，奶奶原本答應原po會幫她坐月及湊孫，後來也因為自己大肚而「走數」。即便想要奶奶臨時幫忙湊仔，奶奶亦拒絕：「個仔係你嘅，你自己搞掂佢。」最後唯有麻煩原po父母請假湊孫，讓原po相當不滿：「佢而家已經全職湊仔，有時候佢ig重成日post埋晒去邊度食嘢去邊度玩嘅相，證明佢根本好得閒！」

此外，奶奶曾在社交平台炫耀自己順產，看在剖腹產的原po眼中擺明就是挑釁，增加兩人的心結，也讓她後悔嫁進這個家：「本身以為嫁到去個好屋企，點知生完仔之後一切都變晒，而家就好後悔生仔，好後悔嫁咗入嚟。」

Photo from 《加油吧！威基基！》劇照

網民唔撐 批評新抱自私

雖然原po自覺好委屈，不過網民就唔撐，甚至批評她只是貪圖奶奶會幫手湊孫，非常自私，「成個post淨係睇到有個大肚婆驚無人湊，無人幫坐月，就叫另一個大肚婆落仔，真係要考牌，咁自私都有」、「生仔諗住有長輩照顧，不如唔好生」、「老嘅嘢唔到你理，更何況無人會鐘意比人勸落仔」、「你叫人哋落仔喎 ⋯⋯就係因為覺得啲親戚關係唔知點叫好？」、「自己想奶奶落咗佢就可以幫手湊佢自己嗰個BB，有啲心寒」。

Photo from 《婚後事》劇照

延伸閱讀：
【父子關係】父母離異 半歲起父親神隱　12歲男童訴請父親：每月至少來探望1次吧！
延伸閱讀：
【畀家用】孝順仔包機票請全家出遊 暫停畀家用　竟遭媽媽冤枉 委屈呻「好似債仔咁」
Text：Mami Editorial

文章授權：生仔要考牌系列

閱讀完文章，記得追蹤 MamiDaily親子日常 以下平台，隨時接收最新育兒教育資訊 ！

【Follow MamiDaily親子日常 IG】

【Like MamiDaily親子日常 FB】