廣告（請繼續閱讀本文）
前港姐陳茵媺（Aimee）與陳豪結婚11年一直恩愛，兩口子四年抱三，一家五口好幸福！陳茵媺日前與子女陪陳豪北上上海工作，她與老公被瘋狂邀合照，有網民媽媽帶B女成功與陳豪集郵，B女還識得望鏡頭影相，原來幕後功臣是陳茵媺，該媽媽更在社交網貼片讚陳茵媺細心又Nice。
廣告（請繼續閱讀本文）
有網民近日在社交網以「陳豪陳茵媺給小baby合照也太nice了吧」為題發貼，從影片可見一名媽媽抱住一名年約2歲的B女和陳豪影合照，而為他們揸機拍照竟是陳茵媺，初時B女未識望向電話鏡頭時，陳茵媺上前伸手引B女注意，簡直七情上面，陳豪亦指住鏡頭教B女望鏡，兩公婆合力成功令B女望鏡，拍得一張完美合照。
網民留言讚陳茵媺甜美，陳豪識揀老婆，網民沒有說錯陳豪識揀老婆，陳豪早前出席一個投資活動時，被問到揀老婆叻還是投資叻？他即笑說：「最緊要揀個好老婆，冇嘢畀呢個緊要！」當提到理財，陳豪表示他負責管理大數，小數及家庭開支就由太太陳茵媺處理。
東網網站 : https://on.cc/東網Facebook專頁 : https://www.facebook.com/onccnews/
廣告（請繼續閱讀本文）
Silvino 神仙眷侶，陳豪真係捱出黎，見到佢咁幸福，真心鄧佢高興，陳茵薇都好好，事業高峰為了家庭退落黎，兩個都好人，值得幸福，有朋友service過陳茵薇，真人無架子又nice.
07月03日22:19
顯示全部