前特首梁振英 2017 年卸任後,以全國政協副主席身分,一直活躍於社交網站,不時發炮狙擊民主派,又曾懸紅緝拿反送中運動的「黑衣暴徒」。外界一直揣測他有意再戰下屆行政長官選舉,他今日在建制網台節目否認,主持人、工聯會立法會議員麥美娟婉惜稱:「大家好渴望有個咁接地氣、咁了解我哋嘅領導人。」
梁振英出席由工聯會立法會議員麥美娟、何啟明主持的網台節目「契姐會客室」。節目中麥美娟以「國家領導人」稱呼梁振英,又「大賣口乖」,「好多建制支持者日日追住睇你 Facebook,好想睇你出咩 post」,盛讚梁振英道出建制支持者心聲,「點解你可以咁接地氣?」
廣告(請繼續閱讀本文)
梁振英回應,「首先我唔應該高高在上,因為我哋係為市民大眾服務。」他指由做特首開始自己已「周圍貢」,了解市民心聲,例如去街市等。
他批評示威者攬炒經濟,令香港即使在疫情後亦未能「回氣」,「睇下班死仔(示威者)返唔返來啦。」又貫徹其近日言論,狙繫公民黨議員陳淑莊的酒吧開會事件,諷刺對方利用特權,「立法會議員呀嘛,是但去邊間鋪拉個半閘就可以做生意啦,唔使停業。」
節目尾聲,甚少發言的工聯會立法會議員何啟明冷不防問梁振英,「有個街坊托我問你,你仲會唔會出來 run?」梁振英尷尬笑說:「唔會啦,哈哈。」麥美娟聞言大感可惜,「大家其實好渴望,有一個咁接地氣、咁了解我哋嘅領導人出來。」梁振英指,卸任特首後,轉往內地層面推廣香港,「讓內地官員知道,香港呢個仔、或者兄弟,仲係有用。」
廣告(請繼續閱讀本文)
守護言論與新聞自由。立場新聞,寸步不退。
每月贊助支持立場新聞
Sandy 蛇鼠一窩
2020年04月10日13:03
Tak 原來工聯會係支持 撕裂香港始祖梁振英出選
喪心病狂林鄭月娥早期一樣比人問左好多次 佢話唔選 最後咪又係選
689依排加大刷鞋力度搏上鏡 想選都唔出奇
2020年04月10日15:31
Kenneth Chu 好多年前佢都話n屇都唔選特首
2020年04月10日14:30
Josephine Yuen 佢夠膽出嚟先講啦。做事閃縮,只識鼓勵篤灰,咁中共色彩,5毛做勢佢出嚟選囉
2020年04月10日14:32
chiuichi 墨尾捐人哋現在在久角,有名、有權、又有大把財產在外國。只有妳自己儍,咩都冇!
2020年04月10日14:24
顯示全部