靠《東張》吊命　潘梓鋒茶餐廳生意大跌

新冠肺炎疫情仍未減退，食肆開始湧現結業潮。身為《東張西望》主持的潘梓鋒年前與友人合資，接手經營一間九龍城老字號茶餐廳，當初約滿有線仍未過檔無綫前，他更親自落場、每日做足十餘小時，辛苦一段時間才令生意靠穩，不過近日新措施下似乎已令「心血白費」﹗

他受訪坦言：「茶餐廳一定首當其衝，因為好多時要搭枱嘛。我哋為安全計用膠板放枱擋飛沫、幫客人量體溫及消毒噴霧任用，不過只係治標唔治本。同業主傾咗幾次，佢終於肯減租八千，算好好嘞，我咪捱得幾耐得幾耐，話晒班伙記跟咗我哋好耐﹗」

他又指以往每月外快司儀工作，可達5位數收入，如今「一蚊都冇」，難怪他慨嘆：「好彩仲有《東張》養住我。」談到多了空餘時間，潘梓鋒透露：「踩（單）車拍檔麥明詩完成咗台灣Project，返嚟就即刻約出嚟兜返轉。大家再見面、傾吓偈，真係好開心。」

東網網站 : https://on.cc/

東網Facebook專頁 : https://www.facebook.com/onccnews/