無綫萬千星輝膠劇情巡禮 主角達超能力者級數

早前TVB劇集《黃金有罪》「敏晶」姚子羚被車撞飛一幕，凌空慢鏡歷史性飛出宇宙，網民想起《喜劇之王》莫文蔚「好靚呀」之餘，無不驚嘆喜劇級場面竟然出現於臨結局悲劇位。其實無綫一直都全力以赴，膠到最膠，歷年不少劇集中都出現超現實場面及劇情，集合主角異能勁過X-Men。

近日新劇《大醬園》黃嘉樂、江嘉敏、、何廣沛、朱晨麗被山賊捉拿，竟然用「過三關」遊戲來避過一劫。就算沒有看劇，近排看預告都應該loop過不只一次，奇情！

《鐵探》中黃智賢演的傷殘警司程Sir，竟然突破物理規限，用繩吊到自己飛起，而且還可以連另一角色營長齊齊飛起，照道理X教授都唔駛坐輪椅。

這個經典場面，好多人都知，但說到TVB主角異能，又不得不提，就是《神鎗狙擊》中謝天華單手攀石講電話，之後得到「通臂神猿謝天華」稱號，將會於復仇者聯盟中再次現身。

又係《神鎗狙擊》，今次係徐子珊，瘋狂被爆炸，但瘋狂唔死得，被稱為「不死之身」，天下無敵。

三手馬德鐘！《東山飄雨西關晴》當年在TVB官網的海報，馬德鐘竟然有三隻手放在佘詩曼身上，汪阿姐也為之側目。

無綫在自己劇《誇世代》都恥笑過：「關禮傑！關禮傑！」就是《叛逃》中「敖Sir」關禮傑，由一座大廈天台跳至另一天台，騰空超過10秒，好輕功，可惜這不是古裝劇。

《掌上明珠》演宣萱兒子的譚真一，自行去廁所一幕，但尿兜去到他心口位置，展現人體奧妙。

《桌球天王》鄭少秋桌球花式「七重天」，手握「屠龍倚天cue」，更加試過太大力爆cue，唔識就俾佢嚇死。

《飛虎2》中有「番梘泡狙擊」一幕，當中飛虎隊隊中狙擊手梁烈唯，利用番梘泡反射影像看到敵人位置再擊斃，手足好嘢！