46歲馬國明同38歲唐詩詠timing一直錯過 苦等10年終現曙光

馬國明與唐詩詠，一直是外界幻想中的金童玉女，馬明被指很早已經單戀唐詩詠這個不能錯過的絕世好女友，不過唐詩詠只當他是愛的替身，馬明以契哥身份默默守候十年，二人陰差陽錯，終於等到最佳時機。

撰文、圖片：東方新地

馬國明默默守候等時機 契兄妹曖昧十年

早於09年合作拍無綫劇集《鐵馬尋橋》，馬明與唐詩詠已經互生好感，無論外形、性格二人都相襯，有指當時神女無心、襄王有夢，奈何當時女方有另一半，因此以契兄妹相稱，據知情者透露：「馬明係絕世好男人全世界都知，佢做到咁出面，又成日公開讚Natalie（唐詩詠）係好女仔，係人都知道佢鍾意女方，不過嗰時Natalie對花心崔建邦死心塌地，冇考慮過馬明，馬明依然對佢好好，Natalie咪當多個兵囉！何樂而不為？其實馬明一直冇放棄過，每次Natalie受情傷，佢都喺身邊默默支持，前年終於等到佢同洪永城分手，不過當時馬明同姣心穎一齊緊，總之佢哋就永遠都唔啱timing啦！到去年4月姣心穎被踢 爆偷食，Natalie又同陳思銘發展緊，不過Natalie死都唔肯認愛，大家都估佢對呢段感情信心唔大，所以留番條後路畀自己。」

契兄妹密密見 感情發展一日千里

今時唔同往日，唐詩詠早已封視后，早前馬明亦憑《白色強人》封視 帝，二人門當戶對，唐詩詠同陳思銘拍拖唔肯認，心急嫁人，對方卻未 玩夠未定性，一次又一次遇到不對的人，38歲的她回頭一望，還是覺得 馬明待她至真至誠。馬明分手十個月，她與馬明走在一起亦合情合理，而且肯定會獲得全世界的祝福。據知馬明狀態愈戰愈勇，甩拖後成為無綫超級筍盤，唐詩詠對她的態度亦變得主動熱情，契兄妹密密見，感情發展一日千里。

38歲唐詩詠 揀老公要穩重

唐詩詠入行至今情路坎坷，雖被封「最佳女朋友」，但得名無所用，38歲的她去年 開始與32歲的「教育界王力宏」陳思銘發展地下情，被本刊記者斷正去超市買餸返男方 屯門屋企度春宵，依然死口唔認男友，強調二人關係只是朋友，堅持單身不時公開求愛，好明顯唐詩詠知道陳思銘根本不是她的Mr. Right。知情者說：「Natalie就快40 歲，當然係想搵個男人可以依靠，搵個細過自己又未玩夠，遲早都係喊住收場，依家嘅馬明正正就係佢想要嘅嘢，有事業有經濟條件，最緊要就係夠穩重、一條心，佢愛你多好多，依家回頭都未遲，仲要係最佳時機。」人生有幾多個十年？曖昧十年兜兜轉 轉，希望馬明同唐詩詠可以修成正果，唔 好再畀契兄妹呢個身份框住啦！