大台綠葉夫妻楊證樺同沈可欣，日前就喺社交平台曬咗輯靚靚孕照，係楊證樺送畀老婆嘅一份愛的禮物。現年43歲嘅可欣，6月宣佈第二胎，眨吓眼，下個月就已經係預產期，而且呢一胎都係仔嚟添！
撰文：Joanne 圖片：沈可欣楊證樺FB專頁
大仔衝閘影唔成
廣告（請繼續閱讀本文）
雖然已經係第二胎，但係可欣都係第一次影大肚相。本來陀大仔宏志嗰陣，就已經約好日子影相，點知大仔衝閘，提早出世，所以最後就影唔到，當時可欣都好失望架，仲喺產房喊咗出嚟！
第一胎影唔成，到有咗第二胎，證樺都好體貼咁為老婆圓咁呢個夢，仲同埋大仔一齊影！幾溫馨！
為咗令輯相嘅美感，楊證樺仲即興除埋上身衫陪老婆一齊影！
廣告（請繼續閱讀本文）
媽咪話晒都係港姐，靚就一定㗎啦！
媽媽嘅溫柔，完全表現晒出嚟！
呢胎都係仔，不話楊證樺就話一切都係順其自然，冇咩生仔秘方，一直同太太都想生多個，等大仔有個伴。
廣告（請繼續閱讀本文）
證樺話，知道老婆上次影唔到輯相好唔開心，今次就待登預早啲影，達成老婆嘅心願。
仲話如果唔使開工，自己都會用手機，日日同老婆影張相，為孕記做紀錄。
作為老公同爸爸，楊證樺都夠晒廿四孝喇！
