大家成日將閨蜜掛在口邊，但何謂真正嘅閨蜜呢？要提供全天候嘅陪伴定係無條件嘅支持？其實每個人心中都有自己一套去作定義，下面就係5項與閨蜜相處嘅特質，睇下你心目中嘅她有無做齊呢幾件事啦！
#再耐無見都覺得陌生
人變大個，就自然要負起各種責任，變得忙碌起嚟。雖然無辦法好似求學時期咁同閨蜜日日見面，但係再見嘅時候絕對唔會出現尷尬感覺。唔洗熱身就可以一輪嘴咁開始分享自己嘅近況，互訴心聲。
#唔洗講出口都明白你
有無試過去餐廳揀野食嘅時候，明明未講出口，但對方就已經搶先一步將你想點嘅菜講咗出嚟呢？閨蜜有時候會比所有人更加了解你，對你嘅喜惡瞭如指掌，甚至可以完成埋你講到一半嘅說話！
廣告（請繼續閱讀本文）
#見到面完全唔想走
每次同閨蜜見面都會非常珍惜一齊相處嘅時間，總係有好多野想同對方講！次次傾到興起嘅時候，望下時間就發現已經係係時候分別啦…似乎同閨蜜渡過嘅時間都會特別快呀。
#分享負能量
每次自己產生負面諗法嘅時候，想揾人傾訴時閨蜜就係不二人選！次次有煩惱時，閨蜜都會好願意聽自己吐苦水，又會好用心咁幫你諗解決方法，對係你最忠實嘅支持者。
#可以做返自己
平日返工嘅時候，大家都會戴上面具迎人，開盡個營業mode。但喺閨蜜面前，就唔洗再偽裝自己成為另一個人，可以釋放出最真實嘅自己。因為你知道無論如何，閨蜜都會毫無保留地接受你~
廣告（請繼續閱讀本文）