【新歡得寵】自認愛豬扒 鄧兆尊拖陳小姐同苑瓊丹開Live

苑瓊丹的朋友最近以超低價售賣和牛、海鮮等優質食材，於是她找來兆尊幫忙一齊做宣傳，他更攜同新歡陳小姐現身。鄧兆尊有三位女友，早前的Cherry已經分手，換來新歡陳小姐，二人更在片中打情罵俏，可見陳小姐深得兆尊歡心。

由於近期疫情嚴重，苑瓊丹十分主張在家自己做大廚。她說：「其實做大廚不難，最重要有靚既食材，好簡單既烹調方法已可以好好味。只要好食材，大廚都變天才啦﹗」她在片中取笑兆尊喜歡食豬扒，兆尊即反駁說：「豬扒有好多種！生活方面我鍾意食靚既豬扒，最靚既豬扒放喺屋企。不過食材方面，我其實最鍾意食牛扒。」苑瓊丹更叫兆尊拿「靚豬扒」出來看，他即介紹新歡陳小姐出場，陳小姐即撒嬌被指豬扒，場面搞笑。

兆尊大談被女友俘虜的方法，十分認同鎖住男人的心先鎖着男人的胃，陳小姐也直認靠煮飯冧兆尊。苑仔問到他是否一個女友一個屋企？他笑說：「當然啦﹗否則火燭﹗邊個煮飯煮得好，我就返邊個屋企。」他謂年青是飢不擇食，現在只會揀好東西食，身體健康最重要。兆尊表示自己愛食A5和牛，苑仔問到陳小姐是否用不少錢購買食材，兆尊即護花說︰「佢哋會打本，唔夠就同我攞，羊毛出自羊身上。」苑仔再追問︰「咁個個問你拎，咪好大駛費？」兆尊說︰「未必，有啲懶，唔識做，醒目嗰啲先識做。」似是暗示陳小姐最醒目。