【頭條獨家】狂讚林文龍令亞視有運行　亞姐梁雪瑤李芷菱學功夫做打女

2016年，亞視因免費電視牌照屆滿而「熄機」，20個月後以OTT平台「復活」。一直沒甚起色的亞視，至年初林文龍出任亞視副總裁後終於有新搞作，除10月底再舉辦亞姐外，仲有傳斟掂金牌監製戚其義開劇，旗下藝人亦密鑼緊鼓上藝訓班，好似18年亞姐最上鏡小姐、35D李芷菱（Camilla）就鋪路做打女；而18年亞姐冠軍、擁一雙長腿的梁雪瑤（Sheryl）則恨與張家輝合作！兩人更會推出寫真集，雖然書展延期，但她們仍如期推出寫真集。撰文：黎寶倫　攝影：譚壹致　化妝：Queenie Yeung @Stylist Maker　服裝：Spark Fashion（梁雪瑤）梁雪瑤及李芷菱將分別推出相集《My Way》及《Camilla Fancy》，當中最性感是內衣造型，後者稱會將所有收益扣除成本捐予慈善基金；學了半年音樂創作的Sheryl則隨書附送自己填詞的新曲，希望日後能歌、影雙棲發展。說到戚其義傳今年為亞視開拍兩部劇，其中一部以「殺手」為題材，恰巧亞視方面正為藝員安排武術訓練，Camilla雀躍道：「我都想挑戰做打女，而家我哋學緊功夫及西洋武術，早排就學咗耍劍，遲啲公司會有威吔畀我哋吊上半空飛來飛去，好刺激。」想跟林文龍及張家輝合作
Camilla指林文龍也有突擊巡查，並向一眾藝人分享幕前經驗，她更獲點名讚笑容親切、謙虛有禮，問會否想跟對方合作？例如演情婦？她說：「無論任何角色都係挑戰，有得演對手戲已經好開心、好榮幸。」至於Sheryl大讚林文龍靚仔又照顧後輩，但自己最想合作的是「大師兄」張家輝，記者笑問可聽過對方的「經典對白」？她大笑道：「係呀，哈哈！作為亞視代表，我哋都好開心出咗咁多精英。」出身基層的Sheryl坦言初入行時一度擔心被拖糧，故做兼職幫補收入，但她透露近期經濟狀況好轉，「So far都冇欠薪，而家對公司都好有信心，特別係林生上任後，希望多啲發展。」