老婆睇到火爆 張頴康馮盈盈濕身肉搏咀嘴啜耳仔

無綫劇集《解決師》緊接《金宵大廈》將於今晚首播，在昨晚播出的《台慶強勢列陣》第3集節目中，重點介紹這劇並播出預告片，其中一段是張頴康與馮盈盈濕衫激情片段，二人淋住花灑激咀，半裸的阿康幫盈盈剝完恤衫，又由嘴錫到耳。
劇中盈盈飾演的女警Ace，對上司Man Sir（張頴康飾演）非常傾慕，所以她對上司任要求，都有求必應。她說：「最難都係埋身肉搏，不過係同張頴康嘅感情埋身肉搏場面，拍之前我都緊張咗好耐，係咁同張頴康講死啦好緊張呀好緊張，唔知點樣拍，你老婆會唔會介意嗰啲，好多謝佢喺拍之前都不停好耐心咁畀好多輔導我，等我喺呢一場能夠放開懷抱演出。」
張頴康早前受訪提及每次拍親熱戲都會跟老婆麥雅緻備案，但笑說：「報來報去都係同一張表格，只係填唔同女星名。佢成日叫我拍多啲感情戲，但一睇到播出又火爆，好難觸摸。」