減肥係每個女仔終身事業，最近有好多唔同嘅減肥方法同運動，吸引唔少人去嘗試，希望以簡單又快捷嘅方法去達到自己想要嘅完美身材，有人會試間歇性斷食法、戒糖減肥、禁食等方法，但都冇辦法成功。想成功瘦身除咗運動之外，減肥時嘅飲食餐單都好重要，以下整理咗10種減肥時絕對唔可以食嘅食物，只要跟住做就可以減肥成功架啦！
圖片來源︰網絡圖片｜撰文︰Sharon
1. 香蕉
好多人以為食水果就可以減肥，所以唔少人都會選擇食一啲飽肚嘅水果如蘋果、香蕉，但其實香蕉嘅熱量同甜份都好高，一條香蕉就有115卡路里，約27g碳水化合物，相等於兩片白麵包。所以減肥時要避免食香蕉，相反可以改食提子、橙同士多啤梨呢啲低卡路里嘅水果。
2. 燒餅/油炸鬼
燒餅同油炸鬼係香港人標準早餐之一，一份燒餅同油炸鬼嘅配搭就已經超過450卡路里，加上製作過程中會加入大量嘅油去炸，係非常高熱量嘅食物，減肥或者早餐都要避免食！
3. 公仔麵/杯麵
公仔麵既方便又方捷，香港人生活忙碌食公仔麵就可以好容易解決咗一餐，但如果你減緊肥就千祈唔好當公仔麵係正餐，因為一個出前一丁麻油味公仔麵已經有457卡路里，相等於2.3碗飯，熱量相當高。另外公仔麵入面嘅納含量超過1800毫克，而世衞建議一般成年人每日嘅鈉攝取量應少於2000毫克，食一個公仔麵或者杯麵已經差唔多超出每日嘅攝取嘅鈉含量！公仔麵完全係減肥最邪惡嘅食物啊！
4. 麻辣火鍋
打邊爐相信好多人都鍾意，仲要加埋濃厚嘅湯底，而麻辣火鍋係湯底主要用花椒、指天椒、辣椒乾等唔同嘅辣椒製作，係熱量、高卡路量同高脂肪嘅食物。如果減肥期間又想打邊爐，可以選擇昆布、蔬果較健康嘅湯底。
5. 點心
去酒樓一盅兩件，以為食物份量少就唔怕？但點心含大量脂肪和熱量，例如燒賣、叉燒包、蝦餃、腸粉等點心，食兩個叉燒包就已經300卡路里了，建議大家都係少食為妙！
6. 珍珠奶茶
香港愈嚟愈多珍珠奶茶店，行行下街會買一杯，食完飯又會想飲。而大家最鍾意嘅珍珠奶茶卡路里竟高達650Cal，比起公仔麵仲要高，為咗減肥成功，女士們記得忍忍口，改飲無糖綠茶、烏龍茶去代替啦！
7. 朱古力
減肥有好多食物都要避免食太多，特別係薯片、朱古力呢啲零食。一粒朱古力(100克)就有500卡路里，所以大家要避免攝取糖分過高嘅朱古力，轉食低糖嘅黑朱古力更佳。
8. 全麥麵包
想食健康，以全麥麵包代替白麵包呢個講法相信大家都聽過，但原來兩者熱量嘅分別唔大，只相差17.5卡路里。減肥時，建議食黑麥吐司、堅果麵包等糖分含量少嘅麵包會更理想。
9. 酒精飲料
好多人都鍾意約埋朋友落酒吧飲翻杯酒，小小嘅一杯酒精飲料原來有好多嘅熱量，每100g嘅啤酒就有43.3卡路里，而威士忌、龍舌蘭呢啲酒精飲料更加有200卡路里，因此減肥期間都係少飲酒精飲料。
10. 牛油果
人人都大愛嘅牛油果原來都係減肥期間唔可以食嘅食物之一，牛油果係水果中脂肪含量相當高，每100g嘅牛油果就有160卡路里，雖然好多減肥餐單上都會加埋牛油果，營養價值又高，但要適宜食用先有用！
減肥要從飲食、運動兩方面著手先成功，但出街食飯一唔小心就好容易食多咗，難以每次計算過熱量先決定食唔食好，所以小編為大家搜羅5個「2021人氣瘦身App推薦」，幫大家計算好熱量、仲有喝水提醒同健身教學添！
瘦身App推薦1：MyFitnessPal
支援iOS及Android，裏面建立咗 300 萬個全世界食物資料庫，只要輸入身高、體重就可以計算每天可以攝取嘅卡路里，再記錄每日三餐所食嘅食物，就可以有效控制熱量。
iOS：＞＞按此＜＜ ｜Google Play：＞＞按此＜＜
瘦身App推薦2：徐緩地瘦身-體重管理用App
支援iOS及Android，搭配體重紀錄、日記與生理日管理功能。以日記的方式記錄每日減重心情、飲食用餐內容與運動項目，再透過圖表曲線，觀察自己嘅體重變化，簡單又好用～仲有超過100種貼圖，持續記錄可以獲得可愛嘅貼圖添！
iOS：＞＞按此＜＜ ｜Google Play：＞＞按此＜＜
瘦身App推薦3：FatSecret卡路里計算器
根據你想要的體重目標，就你嘅身高體重、運動熱量消耗，計算出每日應攝取嘅飲食熱量。另外，仲提供熱量資料庫，可顯示食物嘅營養資料，從食物日記和體重報表中，分析自己的飲食狀況，幫大家計算每餐嘅卡路里數值。仲有群組功能，大家可以分享減肥嘅經驗同心得！
iOS：＞＞按此＜＜ ｜Google Play：＞＞按此＜＜
瘦身App推薦4：iBetter習慣養成打卡
7天就能讓你養成一個良好嘅習慣，12點前瞓覺，仲記錄喝水、跑步、運動等資料，每完成一項就可以打勾，咁就可以更有動力做運動啦！
iOS：＞＞按此＜＜ ｜Google Play：＞＞按此＜＜
瘦身App推薦5：30天居家健身鍛煉挑戰
想做Gym但又唔想花好多錢，咁大家可以考慮用「30天居家健身鍛煉挑戰」，由專業健身教練設計，提供全身、腹部、臀部、手臂腿部嘅 30 天各種運動計劃，留喺屋企健身完全無難度啊！
Philip P. H. Wong 牛油果係減肥恩物喎
2021年09月16日03:55
顯示全部