無綫重頭劇《大帥哥》自開拍以嚟一直都被受大家關注，而今晚終於有得睇喇！依套劇係張衞健21年前離開無綫後，第一次重返娘家嘅作品，好多劇迷都話好期待呀！
而今日喺劇中飾演張衞健助手嘅徐榮就喺Facebook公開《大帥哥》主題曲《大無畏》嘅MV，畀一班粉絲一解思念之苦，仲留言約定大家今晚9點半一齊睇添，認真貼心呀！
廣告（請繼續閱讀本文）
呢首主題曲由張衞健主唱，曲風如佢過往嘅劇集主題曲一樣係走輕快路線。
廣告（請繼續閱讀本文）
MV一開始，身為大帥嘅張衞健坐住軍車出場，架勢十足！
廣告（請繼續閱讀本文）
之後劇中重要角色亦有陸逐登場，好似洪永城、徐榮、李嘉等，齊齊同張衞健食大餐。
當然唔少得張衞健同劇中嬌妻楊秀惠、蔡思貝、譚凱琪瘋狂打情罵俏、飛吻、同喺床邊玩3人調情嘅片段喇，簡直恨死人呀！
唔少網民睇完都話期待今次張衞健會有咩金句同搞笑嘢出現，仲話今晚實行擔定櫈仔等睇首播添喎，真係好期待呀！
Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）