出道以來陳慧敏（慧敏哥）形象予人乖女及傻大姐感覺，但原來她的內心也有倔強和女王的一面。
廣告（請繼續閱讀本文）
問慧敏哥在新歌MV怎樣自肥，她說：「之前同阿小傾呢首歌嗰陣，我哋都覺得其實大家都未必見過另一面嘅我，或者可以叫做比較成熟嘅我，然後同監製，填詞人再傾嗰陣，佢哋都一致想比樂迷睇到陳慧敏另一面，亦希望有所突破，所以無論音樂﹑MV﹑以致宣傳上面，我都突破咗好多心理關口。
今次MV專登搵咗排舞師輝輝幫我同Dancer排咗少少舞，或者叫肢體動作。喺MV我會同啲大隻型男Dancer有互相撫摸畫面，同一啲親密接觸。
導演Down想透過呢啲唯美畫面，表達到如果真正能解脫，就要掌控自己命運，而不是被佢控制。拍完後，大家都覺得我過分投入，話我似喺度自肥，但係實情係我畀Dancer摸咗成個鐘，搞到我都有啲尷尬，真係辛苦佢哋。今次好感謝團隊中每一位，冇畀我留喺舒適圈，而是畀我睇到一個從來未見過嘅自己。歌曲宣傳方面，好感激每位歌手朋友同DJ朋友幫忙，不論拍過片或留言，真係好感動，見番一班舊朋友同認識嘅新朋友，係今年回到香港發展音樂最開心的事。」陳慧敏正計劃明年推出全新個人專輯，亦可能舉行個人演唱會。
廣告（請繼續閱讀本文）
（即時娛樂）