Moon嚟到五月推出今年第一首廣東派台作，再次同Wyman合作，淡然地唱出動人情感。
「其實我討厭搬家 無奈這幾晚 你很可怕」
當一段關係走到盡頭，往往唔係一時衝動，而係一直累積既矛盾所造成，迫不得已。即使過去有眾多甜蜜時刻，但同樣有各種問題無法解決，忍受咗無數次先會艱難地做出決定。
縱使有千萬個唔情願，過程亦會勾起回憶，牽動情緒，異常痛苦，但無奈始終要分別，無可挽救。心中害怕見到深愛過既人會有留戀，所以選擇看似灑脫地一下子離開，以逃避方式宣告彼此關係完結。
「我想很高貴地分手 揭穿底牌有時很醜 才趁你 在放大假 環遊列國 無聲將貓帶走」
漂亮地分手其實只係美好幻想，實際上並唔容易實現。如果終須一別，與其大吵一場，挖爛口面地苦苦糾纏，倒不如悄悄離開，讓關係停留在曾經既幸福中，無需為大家添上多一重痛苦。放過自己，放過對方。
離別從來唔會令人好受，被分手一方起初絕對會憤怒不解，難以面對如此殘酷事實。不過，隨時間慢慢過去，冷靜地梳理整段感情後，就會明白依個決定對大家都好。
「等老一點以後 等你不生氣後 才告訴你 我心碎裂時候」
阿Moon溫柔既咬字、聲線，將歌詞一字一句完美揪心地演繹。由《房屋供應問題》發現彼此已經再走不下去，內心非常掙扎，最後下定決心分別；到《趁你旅行時搬走》道出真正離開後內心忐忑之情，同樣令人感同身受，情緒不斷湧出，越聽越喜歡。
「我們共有的 經已達盡頭 日後亦 別當好友」
另外，當Gordon Flanders充滿個人特色既曲風配上心酸歌詞，由《他一定比我好》、《回憶半分鐘》，到《趁你旅行時搬走》，屢屢能夠將歌中情感打進內心，非常耐聽，係我近年最喜歡既創作人之一，期待佢將來帶嚟更多驚喜！
「若要分 我想簡化」
依首作品又有無令你回想起曾經快樂但無法走到盡頭既關係？
《趁你旅行時搬走》 Moon Tang
作曲：Gordon Flanders
填詞：黃偉文
編曲 : Justin Yau
監製 : Gordon Flanders
「你剛剛出發就搬走
要抓緊這個逃生口
留到尾 害怕共你 拔出的兵器 沒法收
戴上過 你的手扣
但後段 並不享受
多溫馨 也試過
但代價是自由
甜蜜 變成 沒法 再忍受
當中的 那細節 現在別問
等老一點以後
等你不生氣後
才告訴你 我心碎裂時候」
▼Follow hkpopculturelover
Instagram: https://www.instagram.com/hkpopculturelover/