方皓玟身形暴瘦惹厭食症疑雲　澄清一日三餐勤做運動「真係好激氣」

現年44歲的方皓玟曾獲叱咤我最喜愛的女歌手獎項，自2021年宣布與日籍丈夫安田慎吾（Shingo）離婚後就愈來愈瘦，近月更暴瘦見骨變成「紙片人」，惹來厭食症疑雲，粉絲和網民都非常擔心其健康，叮囑她要多吃一點。

就近月暴瘦的情況，方皓玟一個月前曾出帖文解釋：「感恩大家近期好關心我健康，會唔會太瘦。其實我每日都食足3餐㗎，平時去茶仔我會食晒成碟炒飯再加杯奶茶。睇我手瓜起𦟌咁款，就知道我日常的確好勤力操練。所以大家唔使擔心，不過我都會聽大家話，再努力食多啲食多啲，炒飯一碟再加多份西多士啦！」

日前方皓玟在IG開live，重提有人指她太瘦，她說道：「我咁努力做運動，啲人話我有厭食症，我真係好激氣好嬲呀！」其母親當時亦有觀看直播，小明叫她不要睇太多新聞，以為她冇食嘢：「其實我食好多嘢，你唔好有誤解。」方皓玟又表示，「我隊印尼炒飯成碟隊呀」。其間當有人留言指小明的鎖骨很靚，她說鎖骨其實要「谷」，即場示範用鎖骨「晾」起大圈耳環。